बागलुङ । ढुङ्गाले हानेर गोरु मारेर त्यसको मासु खाएको अभियोगमा अदालतबाट कैद सजाय भएपछि फरार रहेका एक व्यक्ति पक्राउ परेका छन् ।
२०७५ साल पुस ३ गते राती बागलुङ जिल्लाको जैमिनी नगरपालिका-८ छिस्तीमा एक गोरुलाई टाउकोमा ढुङ्गाले हानेर मारेर त्यसलाई काटेर खानेमध्येका एक जनालाई प्रहरीले पक्राउ गरेको जिल्ला प्रहरी कार्यालय बागलुङका प्रवक्ता प्रहरी नायव उपरीक्षक मदन केसीले बताए ।
यसरी पक्राउ पर्नेमा सोही स्थानमा बस्ने अगन बहादुर नेपाली रहेका छन् । उनीसहित अन्य चार जनाले घरनजिकको जङ्गलमा गोरुलाई ढुङ्गाले हानेर मार्दै त्यसको मासु खाएका थिए ।
बागलुङ जिल्ला अदालतका न्यायाधीश प्रकाशप्रसाद पण्डितले २०७६ वैशाख १ गते गरेको फैसलाले नेपालीसहित अन्य चार जनालाई मुलुकी अपराध संहिता, २०७४ को दफा २८९ (२) बमोजिम छ महिना कैद सजाय तोकेको थियो ।
अदालतमा उनीहरूले आफूहरूले गोरु नमारेको तर मरेको गोरु आफ्ना पिता पुर्खाले समेत खाँदै आइरहेको हुँदा गोरुको मासु खाएको बयान दिएता पनि प्रहरीसमक्ष आफूहरूले नै गोरुलाई टाउकोमा ढुङ्गाले हानेर मारेको बयान दिएका थिए ।
अदालतले प्रहरीसामु दिएको बयान र घटनास्थलमा रगत लागेको ढुङ्गासमेत बरामद भएको आधारमा उनीहरूलाई दोषी ठहर गरेको हो ।
प्रहरीको थुनामा १३ दिन बसेर धरौटीमा रिहा भएका उनीहरू अदालतको आदेशसँगै फरार भएका थिए । जम्मा छ महिना कैद तोकिएकोमा १३ दिन घटाएर पाँच महिना १७ दिन कैद सजाय तोकिएको हो ।
फरारमध्ये पक्राउ परेका अगन बहादुर नेपालीलाई प्रहरीले बागलुङ जिल्ला अदालतमा बुझाएको हो । अदालतको आदेशसँगै उनी जेल चलान भएका छन् ।
कानुनमा के छ ?
मुलुकी अपराध संहिता २०७४ ले गाई, गोरु मार्न वा कुट्न नहुने त्यसो गरेमा अपराध गरेको ठहर गर्दै सजाय समेत तोकेको छ । संहिताको परिच्छेद २७ मा रहेको पशुपक्षी सम्बन्धी कसुरको दफा २८९ मा कसैले गाई वा गोरु मारेमा तीन वर्षसम्म कैद र कुटेर अङ्गभङ्ग पारेमा छ महिनासम्म कैद हुनेछ ।
तर कुनै गाई वा गोरुले आफ्नो वा अरूको जिउ वा ज्यानमा पुर्याउन लागेको क्षति बचाउन आवश्यक परेको कुनै काम गर्दा त्यस्तो गाई वा गोरु मर्न गएमा वा त्यस्तो गाई वा गोरुलाई कुनै चोट पुग्न गएको रहेछ भने कसुर गरेको मानिने छैन भनेर पनि सोही दफामा उल्लेख छ ।
अदालतका फैसलाका आधारमा तयार पारिएका सामाग्रीहरू
- सामूहिक बलात्कारमा संलग्न युवक १० वर्षपछि जेल
- नौ वर्षअघि जङ्गलमा गएर चरेस उत्पादन, बागलुङकी रीता घर्तिमगर पुगिन जेल
- १६ वर्षअघि नाबालिकामाथि सामूहिक बलात्कार, ५८ वर्षका कँडेल पुगे जेल
- ३४ वर्षअघि हत्या गरेर फरार व्यक्ति जेल चलान
- समाजका भद्र भलादमी बसेर सम्वन्धविच्छेद, दोस्रो विवाह गरेका चेतमान पुगे जेल
- विदेशीलाई नेपाली नागरिकता सिफारिस गर्ने पूर्व वडाध्यक्ष जेल चलान
- प्रस्टसँग बोल्न नसक्ने बालिकामाथि यौन दुर्व्यवहार गर्ने महत जेल चलान
- जापान पठाइदिन्छु भन्दै ३५ जनाबाट करोडौँ ठग्ने जेल चलान
- ढुङ्गाले हानेर गोरु मारेर मासु खाने जेल चलान
- एघार वर्षअघि सौता बनेर गएकी महिला जेल चलान
- १० वर्षअघि मान्छे मारेर भागेका व्यक्ति जेल चलान
- कान्छी श्रीमती बनेर गएकी महिलासहित श्रीमान् जेल चलान
- जन्मकैद फैसला भएका व्यक्ति १२ वर्षपछि जेल चलान
- छ वर्षअघि मोटरसाइकल दुर्घटनामा पैदलयात्रुको निधन, चालक अहिले जेल चलान
- साथिको बहिनीमाथि बलात्कार प्रयास गरेर फरार रहेका दुलाल तीनवर्षपछि जेल चलान
- चिठ्ठा परेको भन्दै एक महिलालाई ठगेर फरार चौधरी चार वर्षपछि जेल चलान
- श्रीमती मारेर बोरामा शव फ्याक्ने श्रीमानसहित तीन जना जेल चलान
- फ्रान्स पठाइदिन्छु भन्दै ठगी गर्ने व्यक्ति तीन वर्षपछि जेल चलान
- मोटरसाइकलमा गोरुको मासु बोकेर हिंड्ने फरार चालक ६ महिनापछि जेल चलान
- ११ वर्षअघि छुरी देखाएर चोरी गर्ने व्यक्ति जेल चलान
- गाडीले मान्छे किचेर फरार चालक २६ वर्षपछि जेल चलान
- पैसा नभएको खाताको चेक दिएर फरार व्यक्ति जेल चलान
- ज्यान मारेर फरार व्यक्ति १३ वर्षपछि जेल चलान
- बहुविवाह मुद्दाका फरार ८ वर्षपछि र कर्तव्य ज्यान मुद्दाका अभियुक्त सात वर्षपछि जेल चलान
- २३ वर्षअघि हत्या गरेर वैदेशिक रोजगार, नेपाल आएपछि लुकेर बसेका व्यक्तिलाई सर्वस्व सहित जन्म कैद