मोरङ । मोरङको बिराटनगर महानगरपालिका-१९ कि २८ बर्षीया प्रियका सुनारको हत्यामा संलग्न रहेको आरोपमा पक्राउ परेका चारमध्ये तीनजनालाई अदालतले पुर्पक्षको लागि थुनामा पठाउने आदेश दिएको छ ।
फाल्गुन ७ गते उनीहरूले मोरङको बुढीगंगा गाउँपालिका-२ का नरसिंह चौधरीको ग्वाली घरमा प्लास्टिकको बोरामा लाश लुकाएर राखेका थिए ।
प्रहरीले फाल्गुन ८ गते कटहरी गाउँपालिका-५ का ३५ बर्षीय उमेश सरदार, ६२ बर्षीय रमानन्द राम, विराटनगर महानगरपालिका- ७ का ५३ बर्षीय श्रीराम चौधरी र प्रियका सुनारको श्रीमान २९ बर्षीय रमेश साहलाई उक्त घटनामा संलग्न भएको आरोपमा पक्राउ गरेर मुद्दा चलाएको थियो ।
पक्राउ परेका चारजनामध्ये श्रीराम चौधरीबाहेक अन्य तीनजनालाई जिल्ला अदालत मोरङको चैत ५ गते आदेशले पुर्पक्षको लागि थुनामा पठाउने आदेश भएको जिल्ला प्रहरी कार्यालय मोरङका प्रवक्ता डिएसपी रन्जन कुमार दाहालले केटिएम दैनिकलाई बताए ।