सिन्धुपाल्चोक जिल्लामा बहुविवाह मुद्दामा फरार भएका अभियुक्त आठ वर्षपछि जेल चलान भएका छन् ।
सिन्धुपाल्चोक जिल्ला अदालतले २०७१ साल माघ २२ गते गरेको फैसलाअनुसार बहुविवाह मुद्दामा कैद र जरिवाना तोकिएका व्यक्ति फरार रहेकोमा उनलाई आठ वर्षपछि पक्राउ गरिएको जिल्ला प्रहरी कार्यालय सिन्धुपाल्चोकका प्रवक्ता डिएसपी शिव कुमार बुढाथोकीले बताए ।
बुढाथोकीका अनुसार जिल्लाको सुनकोशी गाँउपालिका-२ बस्ने राम कुमार भन्ने ईन्द्र बहादुर भण्डारी (वर्ष३९) लाई सोमबार चौतारा बजारबाट नियन्त्रणमा लिइएको हो । उनलाई अदालतले बहुविवाह मुद्दामा ११ महिला ११ दिन कैद र पाँच हजार रुपैयाँ जरिवाना तोकेको छ ।
पक्राउ परेका भण्डारीलाई जिल्ला अदालतमा उपस्थित गराएर आज (मंगलबार) कैद भुक्तानको लागि कारागार चौतारा पठाइएको डिएसपी बुढाथोकीले बताए ।
त्यस्तै कर्तव्य ज्यान मुद्दाका फरार अभियुक्त पनि सात वर्षपछि पक्राउ परेका छन् ।
सिन्धुपाल्चोक जिल्ला अदालतको २०७२ असार २८ गतेको फैसलाले कर्तव्य ज्यान मुद्दामा दुई महिना ५ दिन कैद सजाय ठहर भएपछि फरार रहेका भोटेकोशी गाँउपालिका-२ कोदारी बस्ने मंगले भन्ने सुनिल तामाङ (वर्ष २३) लाई प्रहरीले पक्राउ गरेको हो ।
ईलाका प्रहरी कार्यालय कोदारीबाट खटी गएको प्रहरी टोलीले सोमबार तामाङलाई नियन्त्रणमा लिएसँगै उनलाई आज कारागार चलान गरिएको छ ।