बागलुङ । २०६७ सालमा एक व्यक्तिको हत्या गरेर जिल्ला अदालतबाट जन्मकैद फैसला भएका व्यक्ति १२ वर्षपछी जेल चलान भएका छन् ।
२०६७ साल भाद्र ३१ गते रातको समयमा जिल्लाको तत्कालिन तमान गा.वि.स.-६ नारायण चौतारी भन्ने स्थानमा दुईजना मिलेर ढुंगाले हानेर हत्या गरेका थिए ।
म्याग्दी जिल्लाको साविक रूम गा.वि.स.-७ वस्ने वर्ष ४६ को लाल बहादुर वि.कको हत्या आरोपमा जिल्ला अदालतले बागलुङले कृष्ण बहादुर वि.क. र वलमान वि.क.लाई जन्मकैद (२० वर्ष) को फैसला सुनाएको थियो ।
जिल्ला अदालतको फैसलामा चित्त नबुझेपछि पुनरावेदन अदालत बागलुङबाट २०६८ भाद्र २७ र सर्वोच्च अदालतको २०७२ माघ २९ गतेको फैसलाले पनि जिल्लाकै आदेश सदर गरेतापनि उनीहरू फरार रहेका थिए ।
फरार रहेका मध्ये जिल्ला प्रहरी कार्यालय बागलुङबाट खटिएको प्रहरी टोलीले रुपन्देही प्रहरीको समन्वयमा कृष्ण बहादुर बि.क.लाई सिद्दार्थनगर नगरपालिका-१२ शान्तिनगरबाट नियन्त्रणमा लिएको प्रहरी निरीक्षक राजाराम खड्काले बताए।
उनलाई आज बागलुङ जिल्ला अदालतमा उपस्थित गराएपछि अदालतको आदेशले कारागार कार्यालय बागलुङमा पठाईएको प्रहरीले जनाएको छ ।
