१७ वर्षीया नाबालिकालाई पटक पटक जबरजस्ती करणी गरेको जाहेरी परेपछि सम्पर्कविहीन भएका सन्दीप लामिछाने आफै नेपाल आउँछन् भन्ने विश्वासका साथ नेपाल प्रहरीले केही दिन कुर्ने भएको छ ।
नेपाली राष्ट्रिय क्रिकेट टोलीबाट निलम्बनमा परेका सन्दीप लामिछाने अहिले कहाँ छन् र नेपाल कहिले आइपुग्छन् यो आम चासोको विषय छ । यो बीचमा केही सञ्चारमाध्यमहरूमा लामिछाने दुबई, कतार सिंगापुर लगायतका देशमा रहेका अपुष्ट खबरहरू प्रकाशित भएता पनि सन्दीप कहाँ छन् भन्ने कुरा कसैलाई थाहा छैन ।
उनी नेपाल प्रहरी र क्यानसँगको सम्पर्कमा नरहेपछि उनी कहाँ छन् भन्ने कुरा थाहा पाउन सकिएको छैन । सन्दीपविरुद्ध जाहेरी परेको भोलिपल्ट उनी नेपाल नआए इन्टरपोलको सहयोगमा नेपाल भित्र्याइने बताएको प्रहरी अझै केही दिन पर्खने निर्ष्कषमा पुगेको हो ।
जिल्ला प्रहरी परिसर काठमाडौँका प्रमुख एसएसपी भरत बोहोरा केही समय कुरेर मात्रै इन्टरपोलको प्रक्रिया सुरु गर्ने बताउँछन् । केटिएम दैनिकसँगको कुराकानीमा उनले भने, ‘अहिले हामी अनुसन्धानकै क्रममा छौँ, अब केही दिन कुर्छौ त्यो समयसम्म पनि सन्दीप नेपाल नआएको खण्डमा इन्टरपोलको प्रक्रिया सुरु गर्न बाध्य हुन्छौँ ।’
नेपाल प्रहरीका निमित्त केन्द्रीय प्रवक्ता एसएसपी दानबहादुर कार्की इन्टरपोलको प्रक्रिया लामो र झन्झटिलो भएको बताउँछन् । उनले भने, ‘आरोपित व्यक्तिलाई पक्राउ गरेर अनुसन्धान गर्ने वा पक्राउ नगरीकन अनुसन्धान गर्ने भन्ने कुरा अनुसन्धान अधिकृतमा निहित रहन्छ । व्यक्ति पक्राउ गर्न कुन विधि प्रक्रिया अपनाउने भन्ने कुरा पनि अनुसन्धान अधिकृतकै विषय हो । सन्दीपलाई इन्टरपोल मार्फत पक्राउ गर्न भनेर नोटिस जारी भएको मेरो जानकारीमा छैन ।’
‘इन्टरपोल भनेको आम मानिसले सोचेजस्तो सजिलो विषय हैन । त्यसका आफ्ना विधि र प्रक्रिया छन् जुन अलिक झन्झटिलो र लामो छ ।’ उनले केटिएम दैनिकसँगको कुराकानीमा भने ।
उनले थपे, ‘यो महिला बालबालिकासँग सम्बन्धित गम्भीर विषय हो । यसको विषयमा अनुसन्धान जारी रहेकाले धेरै गिजोल्नु जरुरी छैन । भोलि अदालतमा पेस गर्दा प्रहरीले कार्यविधि फलो गरेको छ वा छैन भन्ने कुराले पनि महत्त्व राख्छ । नेपाल प्रहरी यी र यस्ता विषयमा निकै संवेदनशील छ ।’
सन्दीपविरुद्ध काठमाडौँ जिल्ला अदालतबाट पक्राउ पुर्जी जारी भएको ११ दिन भइसक्दा पनि सन्दीपको अत्तोपत्तो छैन । बिहीबारदेखि केही सञ्चारमाध्यमहरूले एक अधिवक्ता सन्दीपलाई भेट्नको लागि सिंगापुर पुगेको भन्दै समाचार प्रकाशित गरेका थिए ।
तर ती अधिवक्ताले उक्त समाचारको खण्डन गरे । उनले केटिएम दैनिकसँग कुरा गर्दै भने, ‘म पूर्व निर्धारित कार्यक्रममा सहभागी हुन लाओस् जाने क्रममा दुई घण्टा सिंगापुर ट्राजिन्टमा बसेको थिए । यो कुनै बस स्टेसन हैन जहाँ जोसुकै आएर भेट्न सकोस् ।’
सन्दीप प्रकरणमा केटिएम दैनिकमा प्रकाशित समाचारहरू
- ब्रेकिङ: बालिका बलात्कार गरेको भन्दै सन्दीप लामिछाने विरुद्ध प्रहरीमा उजुरी
- अनुसन्धानमा दोषी देखिए सन्दीपलाई इन्टरपोल मार्फत नेपाल झिकाइने
- पीडित बालिकाको यसरी भएको थियो सन्दीपसँग भेट
- नगरकोट रिसोर्ट भन्छ : ८:३० मा इन्ट्री, ११ बजे चेक आउट, बिल फोनपे मार्फत
- क्यान प्रवक्ता भन्छन् : खेल नभएकाले सन्दीपलाई निलम्बन गर्नु र नगर्नुले अर्थ राख्दैन्
- सन्दीप प्रकरण: क्यानको व्यवस्थापन माथि उठ्यो प्रश्नचिह्न
- लामिछानेविरुद्ध अदालतबाट पक्राउ पुर्जी जारी
- सन्दीप राष्ट्रिय टिमबाट निलम्बनमा परे
- फाइन्ड, फ* एण्ड फर्गेट (थ्री एफ) को चङ्गुलमा पर्दै किशोरीहरू
- सन्दीपविरुद्ध बोल्न थाले अन्य किशोरी
- जेभियर कलेजले हटाउन थाल्यो सन्दिप लामिछानेका तस्विर अंकित बोर्डहरू
- सन्दीप कहिले आइपुग्छन् नेपाल ?
- सन्दिपलाई कालोसूचीमा राखेको भन्दै आक्रोशित भइन् रीमा !
- सन्दीप अन्तर्राष्ट्रिय आतंकबादी हैन, हात धोएर नलागौं : प्रमोद खरेल
- अधिवक्ता कार्यक्रममा जाँदा सन्दीपलाई भेट्न सिंगापुर पुगेको हल्ला, के हो सत्यता ?