बिहीबारबाट सन्दीप लामिछाने सिंगापुरमा रहेको भन्दै विभिन्न सञ्चारमाध्यमहरूमा समाचार आयो । सञ्चारमाध्यमले स्रोतको हवाला दिँदै राखेका ती समाचारमा सत्यता नभएको पाइएको छ ।
समाचारमा अधिवक्ता सरोज घिमिरे सन्दीपलाई कानुनी परामर्श दिन सिंगापुर गएको बताइएको छ । तर केटिएम दैनिकसँग कुरा गर्दै अधिवक्ता घिमिरेले आफू पूर्व निर्धारित कार्यक्रममा सहभागी हुन दक्षिण पूर्वी एसियाको लाओस् जाने क्रममा दुई घण्टा सिंगापुर ट्रान्जिटमा बसेको स्पष्ट पारेका छन् ।
घिमिरे ट्रान्जिटमा रहेको आधार मानेर धेरै सञ्चारमाध्यमहरूले सन्दीपलाई कानुनी परामर्श दिन त्यहाँ पुगेको दाबी गरेका हुन् । उनले भने, ‘समाचार देखेर म आफै अचम्मित भए, म इन्टरनेशनल एयरपोर्टको ट्रान्जिटमा थिए यो कुनै बस स्टप हैन जो कोही आएर भेट्न सकोस् ।’ उनले थपे, ‘अन्तर्राष्ट्रिय ट्रान्जिटको बारेमा साधारण ज्ञान समेत नलिईकन लेखेका समाचारमा कुनै पनि सत्यता छैन ।’
लाओसमा १६ देखि १८ सेप्टेम्बरमा हुने ११ औँ एसिया प्रो बोनो कन्फरेन्समा आयोजकको रूपमा सहभागी हुन घिमिरे त्यहाँ पुगेका हुन् । घिमिरेले यसअगाडि आठौँ, नवौँ र १० औँ प्रो बोनो कन्फरेन्समा पनि सहभागिता जनाइसकेका छन् ।
उक्त कन्फरेन्समा नेपालबाट अनिता न्यौपाने थपलिया, अनिता श्रेष्ठ, वसन्त अधिकारी, दिपेश खनाल लगायतका व्यक्तिहरू रहेको प्रो बोनो कन्फरेन्सको वेबसाइटमा उल्लेख छ ।
नेपाल प्रहरी र क्रिकेट एशोसियनका पदाधिकारीहरूले लामिछाने आफूहरूसँग सम्पर्कमा नरहेको बताइरहँदा उनी कहाँ छन् भन्न सक्ने अवस्था छैन । केही सञ्चारमाध्यमहरूले उनी दुबई भएको दाबी गरेता पनि त्यसको स्वतन्त्र पुष्टि गर्न सकिएको छैन ।
सन्दीपले केही समयअगाडि क्यानसँग कानुनी परामर्शमा सहयोग गरिदिनु भन्दै सम्पर्क गरेको क्यानका प्रवक्ता प्रशान्त विक्रम मल्लले केटिएम दैनिकलाई बताएका थिए । तर त्यसको केही दिनपछि सन्दीपले आफै अधिवक्ता खोजेको भन्दै उनी रुष्ट बनेका थिए ।
सन्दीपले खोजेका अभिवक्ता सरोज घिमिरेको भएको बताइएको छ तर केटिएम दैनिकले पछिल्लो समय पाएको जानकारी अनुसार सन्दीपको मुद्दा हेर्नको लागि सुवास पाठकको टिमलाई अप्रोच गरिएको छ । पाठक क्यानका महाप्रबन्धक ब्रिटेन्ट खनालका क्लासमेट समेत हुन् ।
सन्दीप प्रकरणमा केटिएम दैनिकमा प्रकाशित समाचारहरू
- ब्रेकिङ: बालिका बलात्कार गरेको भन्दै सन्दीप लामिछाने विरुद्ध प्रहरीमा उजुरी
- अनुसन्धानमा दोषी देखिए सन्दीपलाई इन्टरपोल मार्फत नेपाल झिकाइने
- पीडित बालिकाको यसरी भएको थियो सन्दीपसँग भेट
- नगरकोट रिसोर्ट भन्छ : ८:३० मा इन्ट्री, ११ बजे चेक आउट, बिल फोनपे मार्फत
- क्यान प्रवक्ता भन्छन् : खेल नभएकाले सन्दीपलाई निलम्बन गर्नु र नगर्नुले अर्थ राख्दैन्
- सन्दीप प्रकरण: क्यानको व्यवस्थापन माथि उठ्यो प्रश्नचिह्न
- लामिछानेविरुद्ध अदालतबाट पक्राउ पुर्जी जारी
- सन्दीप राष्ट्रिय टिमबाट निलम्बनमा परे
- फाइन्ड, फ* एण्ड फर्गेट (थ्री एफ) को चङ्गुलमा पर्दै किशोरीहरू
- सन्दीपविरुद्ध बोल्न थाले अन्य किशोरी
- जेभियर कलेजले हटाउन थाल्यो सन्दिप लामिछानेका तस्विर अंकित बोर्डहरू
- सन्दीप कहिले आइपुग्छन् नेपाल ?
- सन्दिपलाई कालोसूचीमा राखेको भन्दै आक्रोशित भइन् रीमा !
- सन्दीप अन्तर्राष्ट्रिय आतंकबादी हैन, हात धोएर नलागौं : प्रमोद खरेल