नेपाली राष्ट्रिय क्रिकेट टोलीका कप्तान सन्दीप लामिछानेविरुद्ध प्रहरीले पक्राउ पुर्जी जारी गरेको छ ।
एक नाबालिकाले आफूलाई कफि खान भनेर भदौ ५ गते भेट्न बोलाएर गाडिमा राखेर नगरकोट लगेको र त्यहाँबाट फर्केर काठमाडौंको पिङ्गलास्थानमा रहेको एक होटलमा राखेर पटक पटक करणी गरेको भन्दै प्रहरी वृत्त गौशालामा जाहेरी दिएकी थिइन् ।
जाहेरीपछि प्रहरीले मुलुकी अपराध (संहिता) ऐन, २०७४ को परिच्छेद-१८ को दफा २१९ को ‘जबर्जस्ती करणी गर्न नहुने’ कसूरमा लामिछाने उपर थप अनुसन्धान गर्नका लागि काठमाडौं जिल्ला अदालतबाट पक्राउ पुर्जी जारी भएको छ ।
सन्दिप लामिछाने भने पूर्वनिर्धारित कार्यक्रमअनुसार अहिले क्यारेवियन प्रिमियर लिग खेल्नको लागि वेस्ट इन्डिज पुगेका छन् । आज उनी संलग्न टोलीको खेल भएतापनि लामिछाने प्लेइङ ११ मा परे्नन् ।
लामिछानेलाई पक्राउ पुर्जी जारी भएतापनि उनी विदेशमा भएकाले अहिले नै इन्टरपोल मार्फत झिकाउने वा उनी आउने समयसम्म प्रतिक्षा गर्ने भन्ने विषयमा टुङ्गो लागिसकेको छैन ।
सिपिएल आगामी अक्टोबर १ सम्म चल्नेछ। सन्दीप आबद्ध जमैकाको अन्तिम लिग खेल सेप्टेम्बर २५ मा छ। उनी नेपाल कहिले फर्किन्छन् भन्ने टुंगो लागेको छैन।
१८ वर्षमुनीका नाबालिगमाथि सहमतिमै गरेको करणीलाई कानुनले बलात्कार मानेको छ।
सन्दीप प्रकरणमा केटिएम दैनिकमा प्रकाशित समाचारहरू
- ब्रेकिङ: बालिका बलात्कार गरेको भन्दै सन्दीप लामिछाने विरुद्ध प्रहरीमा उजुरी
- अनुसन्धानमा दोषी देखिए सन्दीपलाई इन्टरपोल मार्फत नेपाल झिकाइने
- पीडित बालिकाको यसरी भएको थियो सन्दीपसँग भेट
- नगरकोट रिसोर्ट भन्छ : ८:३० मा इन्ट्री, ११ बजे चेक आउट, बिल फोनपे मार्फत
- क्यान प्रवक्ता भन्छन् : खेल नभएकाले सन्दीपलाई निलम्बन गर्नु र नगर्नुले अर्थ राख्दैन्
- सन्दीप प्रकरण: क्यानको व्यवस्थापन माथि उठ्यो प्रश्नचिह्न
- सन्दीप राष्ट्रिय टिमबाट निलम्बनमा परे
- फाइन्ड, फ* एण्ड फर्गेट (थ्री एफ) को चङ्गुलमा पर्दै किशोरीहरू
- सन्दीपविरुद्ध बोल्न थाले अन्य किशोरी