काठमाडौं- नेपाली कांग्रेसमा चुलिँदो तनावबीच तीन नेताहरु एक ठाउँमा भेला भएका छन् । नेता विमलेन्द्र निधिको निवास मध्य बानेश्वरमा निधि, प्रकाशमान सिंह र डा शशांक कोइरालाबीच भेटवार्ता चलिरहेको छ ।
भेटमा पछिल्लो समय पार्टीभित्र देखिएको विवाद र पछिल्लो राजनीतिक घटनाक्रम लगायतका विषयमा कुराकानी भइरहेको छ । प्रकाशमान सिंह पूर्वसभापति शेरबहादुर देउवा पक्षका नेता मानिए पनि निधि पछिल्लो समय संस्थापन इतर अथवा गगन थापातिर खुलेको भन्ने सुनिन्छ ।
डा. कोइराला भने मध्यमार्गी बाटोमा छन् । धेरैले कांग्रेस विभाजन हुनै लागेको अड्कल काटिरहेका बेला तीन नेताबीच भएको भेटवार्तालाई अर्थपूर्ण रुपमा हेरिएको छ ।
