काठमाडौं । एनपीएल टोली लुम्बिनी लायन्सका ओनर इश्वरबहादुर जिसीले खेल क्षेत्रलाई उद्योगको रूपमा विकास गर्ने आफ्नो स्पष्ट लक्ष्य रहको बताएका छन् ।
उनले स्वास्थ्य पर्यटन, खेल तथा उत्पादनमूलक कम्पनीहरूको नेतृत्व गर्दै आएको अनुभवका आधारमा मनोरञ्जन र खेल क्षेत्रको महत्व कति ठूलो हुन्छ भन्ने कुरा आफूले नजिकबाट बुझेको बताए ।
उनले भने, ‘खेल क्षेत्रले केवल मनोरञ्जन मात्र होइन, सम्पूर्ण व्यवसायिक चक्रलाई एकीकृत गर्दै बलियो इकोसिस्टम निर्माण गर्न सक्छ । यसले पर्यटन, रोजगारी, उत्पादन, सेवा तथा अन्तर्राष्ट्रिय सम्बन्धमा समेत सकारात्मक प्रभाव पार्दै देशलाई विश्वस्तरमा चिनाउन महत्वपूर्ण भूमिका खेल्न सक्छ ।’
खेल क्षेत्रलाई व्यवस्थित, व्यावसायिक र दीगो उद्योगको रूपमा स्थापित गर्नु नै आफ्नो एक नवीन र प्राथमिक एजेन्डा रहेको
उनले बताए ।
