रामेछाप– सिन्धुली जिल्ला प्रशासन कार्यालयले भारी वर्षाका कारण कात्तिक १३ र १४ गते साँझ ५ बजे देखि बिहान ५ बजे सम्म बिपी राजमार्गमा काठमाडौं तर्फ जाने सवारी साधनको आवागमनमा रोक लगाएको छ।
प्रशासनले राष्ट्रिय विपद् जोखिम न्यूनीकरण तथा व्यवस्थापन प्राधिकरणको सिफारिसलाई ध्यानमा राख्दै यो निर्णय गरेको जनाएको छ। रोकको मुख्य उद्देश्य वर्षा र बाढी–पहिरोबाट सवारी साधन र यात्रुहरूको सम्भावित मानवीय तथा भौतिक क्षति हुन नदिनु रहेको छ।
सहायक प्रमुख जिल्ला अधिकारी अनुज भण्डारीका अनुसार, दिउँसोको समयमा पनि अत्यधिक वर्षा भएमा सुरक्षा निकायले आवश्यक अनुसार सुरक्षित स्थानमा सवारी साधन रोक्न सक्नेछन्। विशेष गरी बिपी राजमार्ग र मध्यपहाडी राजमार्गमा वर्षा भइरहेको अवस्थामा सवारी साधन नचलाउन प्रशासनले सबैलाई अनुरोध गरेको छ।
