मन्थली । ६० वर्ष उमेर पुगेकी एक महिलामाथि करणी गरेको आरोपमा १५ वर्षका नाबालक पक्राउ परेका छन् ।

गत भदौ २३ गते बिहान वृद्धामाथि करणी गरेको आरोपमा प्रहरीले अनुसन्धानको लागि नाबालकलाई नियन्त्रणमा लिएको हो ।

यो पढ्न छुटाउनु भयो कि

• . जबरजस्ती करणी आरोपित कार्की जेल चलान

• . विवाहित महिलामाथि सामूहिक करणी: पाँच महिनाको गर्भपछि प्रहरीमा जाहेरी

• . डडेलधुरामा एक युवतीमाथि पटकपटक सामूहिक बलात्कार

• . ओखलढुंगामा मानसिक रुपमा अस्वस्थ महिलामाथि करणी

• . होटलमा लगेर जबरजस्ती करणी गरेको आरोपमा पक्राउ

जिल्लाको उमाकुण्ड गाउँपालिका-१ अंगेरी वनमा ती वृद्धामाथि करणी भएको भन्दै प्रहरीमा किटानी जाहेरी परेको थियो ।

जाहेरीमा नाबालकले मदिरा सेवन गरेको र वृद्धालाई पनि मदिरा सेवन गराएर संवेदनशील अङ्गमा औँला छिराएको बताइएको छ ।

आरोपित बालकलाई अदालतबाट म्याद थप गरेर बाल निगरानी कक्षमा राखेर थप अनुसन्धान भइरहेको रामेछाप प्रहरीले जारी गरेको प्रेस विज्ञप्तिमा उल्लेख छ ।

नेपालको कानुनले लिङ्ग बाहेक अन्य कुनै वस्तु संवेदनशिल अङ्गमा प्रवेश गराएमा पनि जबरजस्ती करणी गरेको मान्दछ । मुलुकी अपराध संहिता २०७४ को दफा २१९ को उपदफा २ (ग) मा यसबारे उल्लेख गरिएको छ ।

आरोपित नाबालक भएको हुनाले परिचय गोप्य राखिएको जिल्ला प्रहरी कार्यालय रामेछापका सूचना अधिकारी प्रहरी निरीक्षक शैलेन्द्र कुमार खड्काले केटिएम दैनिकलाई बताए ।

प्रहरी निरीक्षक खड्काका अनुसार आरोपित बालकलाई अदालतले दोषी ठहर गरेमा कायम भएको सजायको आधा मात्र सजाय भोगे पुग्दछ ।

रामेछाप प्रहरीले जबरजस्ती करणी आरोपमा अर्का एक व्यक्तिलाई समेत नियन्त्रणमा लिएको छ ।

असोज ४ गते दिउँसो २८ बर्सिया महिलामाथि जबरजस्ती करणी गरेको आरोपमा प्रहरीले उमाकुण्ड गाउँपालिका-३ बस्ने वर्ष ४७ को दिल बहादुर कार्कीलाई नियन्त्रणमा लिएको हो ।

प्रहरी स्रोतका अनुसार पीडित महिला अशक्त हुन् ।