नुवाकोट । गत असोजमा एक महिलालाई जबरजस्ती करणी गरेर फरार रहेका व्यक्ति आफ्नो बाबुको निधनपछि क्रिया गर्न आउँदा पक्राउ परेका छन् ।
गत असोज २३ गते साँझमा नुवाकोटको बिदुर नगरपालिका-१३ खर्कटार स्थित कच्ची बाटो एक महिलामाथि जबरजस्ती करणी भएको थियो ।
उक्त घटनामा संलग्न भई फरार रहेका २८ वर्षीय सागर थापालाई प्रहरीले शनिवार पक्राउ गर्न सफल भएको हो ।
थापा आफ्नो बाबुको निधन भएपछि क्रिया गर्न घर आएको समयमा १३ दिने काजक्रिया सकिएपछि प्रहरीले नियन्त्रणमा लिएको हो ।
पक्राउ परेका थापालाई जिल्ला अदालत नुवाकोटबाट सात दिनको म्याद लिई अनुसन्धान भइरहेको जिल्ला प्रहरी कार्यालय नुवाकोटका सूचना अधिकारी प्रहरी नायव उपरीक्षक खगेन्द्र बहादुर खड्काले बताए ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
