काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले मकवानपुरको भीमफेदीमा भएको यात्रुवाहक सवारी दुर्घटनाप्रति दुःख व्यक्त गरेका छन् ।
छठ पर्व मनाउन घर फर्किने क्रममा रहेका सर्वसाधारण दुर्घटनामा परी ज्यान गुमाउनुपरेको घटनाले आफूलाई स्तब्ध र मर्माहत बनाएको लामिछानेले बताएका छन् ।
सामाजिक सञ्जालमार्फत शोक सन्देश जारी गर्दै उनले एउटै बस्ती र टोलमा परेको अकल्पनीय बज्रपातको पीडा शब्दमा व्यक्त गर्न नसकिने उल्लेख गरेका छन् ।
उनले दुर्घटनामा ज्यान गुमाउने सबैप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना व्यक्त गरेका छन् । साथै, दुर्घटनामा घाइते भएकाहरूको शीघ्र तथा पूर्ण स्वास्थ्यलाभको कामना गरेका छन् ।
लामिछानेले घाइतेहरूको सम्पूर्ण उपचार निःशुल्क गर्ने व्यवस्था मिलाउन तथा मृतकका परिवारलाई तत्काल उचित राहत र क्षतिपूर्ति उपलब्ध गराउन सरकार र सम्बन्धित निकायको ध्यानाकर्षण गराएका छन् ।
