सिरहा, चैत ९ : सिरहाको औरही गाउँपालिकामा महायज्ञका नाममा दलित परिवारको घरमा डोजर चलाइएको घटनामा प्रहरीले दुई जनालाई पक्राउ गरेको छ।
पालिका अध्यक्ष शिवजी यादव र पूर्ववडाध्यक्ष दिलीप यादवलाई शुक्रबार पक्राउ गरिएको जिल्ला प्रहरी कार्यालय सिरहाका निमित्त प्रवक्ता प्रहरी निरीक्षक धर्मेश कुमार यादवले केटिएम दैनिकलाई बताए ।
आज पीडित पक्षसँग जाहेरी लिने तयारी भइरहेको उनले बताए ।
महायज्ञ गर्न दलित परिवारलाई हटाएको घटनाले संसद देखी मिडियासम्म आलोचना भइरहेको छ । यस घटनाले सिराहा प्रमुख जिल्ला अधिकारीलाई गृह मन्त्रालयमा तानिएको छ भने घटनाको विषयमा सत्य तथ्य र स्वतन्त्र छानबिन गर्न गृहमन्त्री रमेश लेखकले प्रहरीलाई निर्देशन दिइसकेका छन् ।
महायज्ञ आयोजना गर्ने स्थानमा अछुत डोम राख्न नहुने भनेर यज्ञका कर्ताधर्ता मानिएका महात्यागी बजरंगी बाबाले भनेपछि पालिका अध्यक्ष शिवजी यादवले पालिकाकै जेसिभी लगाएर मरिकको घर भत्काउन लगाएका थिए ।
महायज्ञ गर्न दलितको घर भत्काइएको प्रकरण : सिराहाका सिडियो गृह तानिए
सिराहा, ८ चैत । दलितको घर खाली गरेको प्रकरणलाइ लिएर सिरहाका...
शुक्रवार, चैत ८ २०८१मरिकको घर मात्र भत्काइएन अपितु अछुतले छोएको माटो भनेर दीपक मरिकको घरले चर्चेको स्थानको दुई फिट माटो खनेर समेत फालिएको छ । थातथलो भत्काएर मरिक परिवारलाई बिस्थापित गराइए पछि सुन्दर जनता माध्यमिक विद्यालय औरहीको जग्गाको २ धुर जग्गामा (एक कुनामा) दुई कोठाको फुसको घर बनाएर राखिएको छ ।
विगत ३० वर्षदेखि मरिक परिवारको थातथलो रहेको स्थानमा जनता आवास कार्यक्रमबाट ५ वर्ष अघि दुई कोठे पक्की भवन पालिकाले नै बनाइ दिएको थियो । आफ्नो आवास भत्काइएपछि मरिक परिवार विलखबन्दमा परेका छन् ।
‘यो स्थानमा महायज्ञ गर्नुपर्ने छ, यहाँबाट तिमीहरु हट्नुपर्छ भनेर गाउँपालिका अध्यक्ष शिवजी यादव र वडा नं. ५ का पूर्ववडाध्यक्ष दिलीप यादवले दबाब दिएको पीडित दीपककी पत्नी अनिता मरिकले बताइन् ।
