नेपाली राष्ट्रिय क्रिकेट टोलीका निलम्बित कप्तान सन्दीप लामिछाने र उनी विरुद्ध जबरजस्ती करणीको जाहेरी दिने किशोरीबीच केही कुराहरू बाझिएका छन् ।
किशोरीले भदौ २१ गते प्रहरी वृत्त गौशालामा दिएको जाहेरीमा भदौ ५ गते दिउँसोदेखि लामिछानेले पटक पटक फोन गरेपछि साँझतिर सन्दीपजस्तो स्टार खेलाडीसँग सँगै बसेर कफी खाएको फोटो खिच्ने र सामाजिक सञ्जालमा राख्ने उद्देश्यले भेट गरेको उल्लेख गरेकी छन् । तर लामिछानेले सोमबार जिल्ला अदालत काठमाडौंमा न्यायाधीश दयाराम ढकाल समक्ष किशोरीकै करकापमा आफूले भेटेको बताएका छन् ।
लामिछानेले भनेको कुरा सत्य हो वा किशोरीले जाहेरीमा उल्लेख गरेको कुरा सत्य हो भन्ने छुट्याउनको लागि जाहेरीमा उल्लेख गरिएअनुसार किशोरीले प्रयोग गर्दै आएको मोबाइलमा उक्त दिन दिउँसो पटक पटक ९८XXXXXX२५ नम्बरबाट कल आएको थियो वा थिएन भनेर हेर्नुपर्ने हुन्छ ।
साथै लामिछानेले युवतीलाई आफूले कफी खान दरबारमार्ग जाऊँ भन्दा उनकै करले नगरकोट सम्म पुगेको बयान दिएका छन् । परिवारबाट बिदा हुनको लागि घर जाने भनेर काठमाडौँको कुनै एक फाइभ स्टार होटेलमा बसेका सन्दीप कसरी एक किशोरीलाई लिएर नगरकोटको बोजिनी नगरकोट रिसोर्टमा पुगे भन्ने प्रश्न अहिलेसम्म अनुत्तरित नै छ । यस विषयमा क्यान, राखेप र खेलकुद मन्त्रालयका जिम्मेवार अधिकारीहरूबाट कुनै पनि भनाई सार्वजनिक भएको छैन ।
किशोरीले दिएको जाहेरीमा लामिछानेले भदौ ५ गते बेलुका आफूले प्रयोग गर्दै आएको बा**च ४४४४ नम्बरको सेतो रङ्गको निशान एक्स-ट्रायल गाडीको अगाडिको सिटमा राखेर पुरानो बानेश्वरबाट सिनामंगल कोटेश्वर हुँदै नगरकोट लगेको उल्लेख गरेकी छन् ।
लामिछानेले अदालतमा बयानको क्रममा नगरकोटमा युवतीले बस्न जिद्दी गरेको भएता पनि आफू भोलिपल्ट केन्या जानुपर्ने भएकाले यहाँ बस्दा ढिलो हुने भनेपछि ती युवती रिसाएर गाडीमा गएको बसेको अनि आफूहरू काठमाडौँ फर्किएको बताएका छन् ।
तर, पीडित भनिएकी किशोरीका आफन्तका अनुसार किशोरी जसरी पनि काठमाडौँ जानुपर्छ भनेर जिद्दी गर्दै रिसोर्टमा नबसेर गाडीमा गएर बसेपछि लामिछाने आफूले बुक गरेको भिआइपी रुम त्यतिकै छाडेर काठमाडौँ फर्कन बाध्य भएका हुन् ।
सन्दीपविरुद्ध जाहेरी परेको भोलिपल्ट केटिएम दैनिकले नगरकोटको बोजिनी नगरकोट रिसोर्टको व्यवस्थापन हेर्ने उच्च तहका कर्मचारीसँग सम्पर्क गरेको थियो । ती कर्मचारीले हामीसँगको कुराकानीमा भनेका थिए, “सन्दीप लामिछाने एक युवतीसँग भदौ ५ गते राति ८:३० बजेको समयमा यहाँ आउनुभएको हो ।” उनले लामिछाने र ती युवती (कर्मचारीको भाषामा) ‘कपल’ अर्थात् जोडी भएर आएको समेत बताएका थिए।
त्यहाँ पुग्नु अगावै लामिछाने उक्त रिसोर्टको एक भिआइपी रुम बुक गरेको पीडित बालिकाको दिएको जाहेरीमा उल्लेख छ ।
होटेल कर्मचारीले केटिएम दैनिकलाई बताए अनुसार लामिछाने र युवतीले एउटै प्लेटमा खाना खाएका थिए । उनीहरू त्यहाँबाट अन्दाजी रातको ११:०० निस्केका हुन् । लामिछानेले बिल फोनपे मार्फत तिरेको रिसोर्टले जनाएको छ । प्रहरीले सो रिसोर्टको उक्त दिनको सिसिटिभी फुटेज, लामिछानेले तिरेको बिलको डिटेल्स र उनीहरूलाई सर्भ गरेका कर्मचारीको बयान लिएको जनाएको छ ।
नगरकोट रिसोर्ट भन्छ : ८:३० मा इन्ट्री, ११ बजे चेक आउट, बिल फोनपे मार्फत
राष्ट्रिय क्रिकेट टोलीका कप्तान सन्दीप लामिछाने एक बालिकालाई लिएर भदौ ५...
बुधवार, भदौ २२ २०७९लामिछानेले उक्त दिन भिआइपी रुम बुक गरेका थिए वा थिएनन् भन्ने पुष्टि गर्नको लागि लामिछानेले सो रिसोर्टमा तिरेको बिल हेर्नुपर्ने हुन्छ । उक्त बिलमा बुक गरेको भिआइपी रुम अन्तिम समयमा क्यान्सिल गरेको भए ‘क्यान्सिलेसन चार्ज’ जोडिएको हुनसक्छ ।
लामिछानेले बयानको क्रममा आफूले युवतीलाई क्रिकेट टोली बसेको होटेलमा नै बास बस्ने व्यवस्था मिलाउँछु भन्दा उनले नमानेको बताएका छन् । तर, घर जान भनेर क्लोज क्याम्पबाट हिँडेका कप्तान मध्यरातमा एक किशोरीलाई लिएर पुनः सोही होटेलमा जाँदा क्यानले उनीमाथि कारबाही गर्न सक्थ्यो भन्ने कुरा विचार नपुर्याईकन अदालतसमक्ष उनले बयान दिएको जानकारहरू बताउँछन् ।
किशोरीले दिएको जाहेरीमा नगरकोटबाट काठमाडौँ फर्कने क्रममा लामिछानेले मोबाइल खोसेको, आफूले लगाएको मास्क लगाउन लगाएको र दुई वटा कोठा बुक गरौँ भन्दा कोठा उपलब्ध नभएको भन्दै एउटै कोठा बुक गरेको र सुरुमा बुक गरिएको रुमको एसी बिग्रिएकाले एक तलामाथिको ३०५ नम्बरको रुममा बसेको उल्लेख छ ।
पीडित बालिकाको यसरी भएको थियो सन्दीपसँग भेट
राष्ट्रिय क्रिकेट टोलीका कप्तान सन्दीप लामिछानेले बालिकामाथि जबरजस्ती करणी गरेको समाचार...
बुधवार, भदौ २२ २०७९प्रहरीले उक्त होटेलको सिसिटिभी फुटेज हेर्दा लामिछाने र किशोरी सोही दिन सोही होटेलमा पुगेको भेटिएको छ । उनीहरू होटेलमा इन्ट्री गरेको र बाहिरिएको सिसिटिभी फुटेज प्रहरीसँग सुरक्षित भएको प्रहरीका एक उच्च अधिकारीले बताए।
भदौ ६ गते बिहान (१२ बजे पछि) लामिछानेले किशोरीलाई जबरजस्ती करणी गरेको, किशोरी रुन, कराउन, चिच्याउन थालेपछि लामिछानेले कुटपिट गर्दै पुनः करणी गरेको प्रहरीमा बुझाएको जाहेरीमा उल्लेख गरिएको छ ।
बिहान लामिछानेले पीडितलाई होस्टेल पुर्याइदिएर ७:०० बजे आसपासको समयमा पिसिआर परीक्षण गर्न गएको समाचार स्रोत बताउँछ । सोही दिन बेलुका लामिछानेको कप्तानीमा १६ खेलाडीसहित २१ जनाको टोली केन्या गएका थिए । त्यसपछि लामिछाने ती युवतीलाई स्न्यापच्याट लगायत विभिन्न म्यासेजिङ प्लेटफर्ममा ब्लक गरेको स्रोतको दाबी छ ।
सन्दीप लामिछानेले इजलासमा पनि न्यायाधीश ढकालसमक्ष आफूलाई पीडित युवतीले १९ वर्षको भनेर जानकारी गराएको अधिवक्ता सरोजकृष्ण घिमिरेले बताएका छन् । तर घिमिरे आफै भने पीडितको उमेरको विषयमा आफू अनभिज्ञ रहेको जनाए । अर्की अधिवक्ता सुधा रिजालले पीडित भनिएकी युवती नाबालिग नभएको दाबी गरेकी गर्दै सञ्चारकर्मीसामू भनेकी छन्, ‘उहाँले दुईवटा जन्मदर्ता बनाएको देखिएको छ। सिलसिलाबद्ध रूपमा उहाँ (सन्दीप) लाई फसाउन खोजिएको देखिन्छ,’ उनले भनिन्, ‘उहाँले ढाँटेर, आफ्नो उमेर घटाएर जन्मदर्ता बनाउनुभएको छ। त्यो प्रमाण पेस गर्छौं। उहाँ (सन्दीप) निर्दोष हुनुहुन्छ।’
तर केटिएम दैनिकले प्राप्त गरेको जन्मदर्ता र उक्त जन्मदर्ता जारी भएको स्थानीय निकायबाट भिडाएर हेर्दा पीडितको उमेर १८ वर्ष भन्दा कम देखिएको छ ।
र यो पनि
सन्दीपविरुद्ध उजुरी गर्ने किशोरीको उमेर विवाद: खास कुरा के हो ?
के क्यान अध्यक्षले भनेजस्तै सन्दीपविरुद्ध उजुरी गर्ने किशोरीको उमेर १८ वर्ष माथि हो त ?
अधिवक्ता कार्यक्रममा जाँदा सन्दीपलाई भेट्न सिंगापुर पुगेको हल्ला, के हो सत्यता ?
फाइन्ड, फ* एण्ड फर्गेट (थ्री एफ) को चङ्गुलमा पर्दै किशोरीहरू
नोट: यस समाचारमा प्रयोग गरिएको किशोरीको तस्बिर Pixabay.com बाट लिइएको प्रतिकात्मक तस्बिर मात्र हो । सन्दीप र होटल कर्मचारीहरूको भनाईमा पीडित ‘युवती’ हुन् तर सरकारी कागजातले भने उनी नाबालिग नै भएको देखाउँछ । त्यसैले समाचारमा सन्दीप र होटेल कर्मचारीको भनाईमा ‘युवती’ भनेर उल्लेख गरिएको छ भने अन्य स्थानमा ‘किशोरी’ भनेर उल्लेख गरिएको छ ।
