चन्दा क्षेत्री/काठमाडौं । सरकारी कर्मचारीको अवकाश सम्बन्धी कानुनी व्यवस्था संशोधन गर्नका लागि सरकारले संघीय निजामती ऐन अध्यादेशबाट ल्याउने तयारी गरिरहेको छ। संघीय निजामती अध्यादेश ल्याउनका लागि भूमि व्यवस्था, सहकारी, संघीय मामिला तथा सामान्य प्रशासन मन्त्री प्रतिभा रावलले प्रधानमन्त्री बालेन शाह र रास्वपा सभापति रवि लामिछानेसँग निरन्तर छलफल गरिरहेकी छन्।
मन्त्रालय स्रोतले दिएको जानकारी अनुसार मन्त्री रावलले निजामती अध्यादेश ल्याएर कर्मचारीको अवकास हुने प्रावधान संशोधन गर्नुपर्ने तयारी गरेकी छन्। एक पटकका लागि ५५ वर्ष उमेर पुगेका र ३० वर्ष सेवा गरिसकेका कर्मचारीलाई अवकासमा पठाउनका लागि अध्यादेश ल्याउन लागिएको हो।
प्रधानमन्त्री शाह र रास्वपा सभापति रवि लामिछानेसँग छलफल गरिसकेपछि अध्यादेश ल्याउने तयारीमा मन्त्री रावल अगाडि बढेकी हुन। मन्त्रालयका अधिकारीहरुका अनुसार अध्यादेशको ड्राफ्ट तयार पारेर मन्त्रीलाई दिने र त्यसपछि पुनः प्रधानमन्त्रीसँग छलफल गर्ने तयारीमा मन्त्री रावल रहेकी छन। ‘अध्यादेशको ड्राफ्ट र विषयवस्तु तयार पार्ने आन्तरिक काम भइरहेको छ। मन्त्रीको निर्देसनअनुसार काम गरिरहेका छौं’ मन्त्रालयका उच्च अधिकारीले भने।
संघीय निजामती ऐन संशोधन गर्न लागि अध्यादेश ल्याउने छलफलमा मन्त्री रावल सक्रिय भएर लागेकी हुन। केही नेपाल ऐन मार्फत कर्मचारीको अवकाश सम्बन्धी व्यवस्था संशोधन गर्ने र ३० वर्ष सेवा गरेका र ५५ वर्ष उमेर पार गरेका कार्मचारीलाई घर पठाउने तयारीमा मन्त्री रावल लागेकी हुन।
मन्त्रिपरिसदको आगामि बैठकबाट अध्यादेश जारि गर्नका लागि निर्णय गर्ने र राष्ट्रपति कार्यालय पठाउने तयारी मन्त्री रावलको रहेको मन्त्रालयका अधिकारीले जानकारी दिएका छन्।
