काठमाडौँ । नेप्सेमा दोहोरो अंकको गिरावट आएको छ । आइतबार नेप्से १०.२५ अंकले घटेर २६९८.४४ विन्दुमा पुगेर रोकिएको छ ।
आज ३३० कम्पनिका २ करोड ६२ लाख ३६ हजार २०४ कित्ता शेयर ११ अर्ब ६५ करोड ९७ लाख ५२ हजार १४३ मा कारोबार भएको थियो । आज लगानी र अन्य बाहेक सबै क्षेत्रको शेयर मुल्य घटेको छ ।
आज सुपरमाई हाइड्रोको शेयरमा सकारात्मक सर्किट लागेको छ भने रिढी पावरको ९.९८ र खानीखोला हाइड्रोको ९.९७ प्रतिशतले बढेको छ । त्यसैगरी आज कालिन्चोक दर्शनको शेयर सबैभन्दा बढी ८.९१ प्रतिशतले घटेको छ ।
त्यस्तै आज सबै भन्दा बढी सुपरमाई हाइड्रोको ५६ करोड बराबरको कारोबार भएको छ भने अन्खु खोला जलविद्युतको ५१ करोड ४९ लाख बराबरको कारोबार भएको छ ।
