काठमाडौं । साताको पहिलो कारोबार दिन आइतबार सेयर बजार दोहोरो अंकले घटेको छ। नेप्से परिसूचक २०.४८ अंकले घटेर २ हजार ५६६ विन्दुमा झरेको छ।
आज कारोबारमा आएका कम्पनीमध्ये ३२ वटाको सेयर मूल्य बढ्दा २४२ कम्पनीको मूल्य घटेको छ।
दिनभर ३ अर्ब २७ करोड रुपैयाँभन्दा बढीको सेयर कारोबार भएको छ। कारोबार रकमका आधारमा घलेम्दी हाइड्रोपावर शीर्ष स्थानमा रहेको छ। कम्पनीको २२ करोड ८६ लाख रुपैयाँबराबरको सेयर कारोबार भएको छ। त्यस्तै, हाथवे इन्भेष्टमेन्टको ८ करोड ४९ लाख रुपैयाँको कारोबार भएको छ।
आज स्ट्यान्डर्ड चार्टर्ड बैंक डिबेञ्चरका इकाईधनीले सबैभन्दा बढी कमाएका छन्। उक्त डिबेञ्चरको मूल्य ५.७५ प्रतिशतले बढेको छ।
यता, त्रिशूली जलविद्युत्का लगानीकर्ताले सबैभन्दा बढी गुमाएका छन्। कम्पनीको सेयर मूल्य ५.८४ प्रतिशतले घटेको छ।
