काठमाडौं- सत्तारुढ दल नेपाल कम्युनिस्ट पार्टी निकट अखिल नेपाल स्वतन्त्र विद्यार्थी युनियन (अनेरास्ववियू)का केन्द्रीय सदस्य इन्द्रहाङ राई बलात्कारी ठहर भएका छन्। राईलाई जिल्ला अदालत काठमाडौंले साढे ८ वर्ष कैद र १ लाख ५० हजार रुपैयाँ क्षतिपूर्ति दिनुपर्ने फैसला सुनाएको छ।
एक १८ वर्षीया युवतीले राईमाथि बलात्कारको आरोप लगाउँदै गत कात्तिकमा उजुरी दिएकी थिइन्। त्यसपछि प्रहरीले उनलाई पक्राउ गरेर अनुसन्धान सुरु गरेको थियो।
अदालतले उनलाई पुर्पक्षका लागि कारागार चलान भएका राईविरुद्ध अन्तत जिल्ला अदालत काठमाडौंले दोषी ठहर गरेको हो। राई रत्नराज्यलक्ष्मी क्याम्पस अनेरास्ववियू प्रारम्भिक कमिटीका सहसचिव समेत थिए।