काठमाडौँ । साताको अन्तिम सेयर कारोबार दिन बिहीबार नेप्से परिसूचक सामान्य अंकले बढेर बन्द भएको छ।
अघिल्लो दिन बुधबार नेप्से परिसूचक २०.५६ अंकले घटेर २५४४.५९ विन्दुमा पुगेको थियो। यसदिन नेप्से परिसूचक १.१३ अंकले बढेर २५४५.७३ विन्दुमा पुगेको छ।
नेप्से परिसूचक सामान्य अंकले बढे पनि कारोबार रकम भने बुधबारको तुलनामा घटेको छ। बुधबार ३ अर्ब ८४ करोड मूल्य बराबरको कारोबार भएकोमा आज ३ अर्ब ४९ करोडको कारोबार भएको छ।
