काठमाडौं, १२ असोज । बहुचर्चित भारतीय टेलिभिजन सिरिज ‘द फैमिली म्यान’ को तेस्रो सिजनमा नेपालका सुनिल थापाको अभिनय रहेको छ ।
फ्यानहरु नयाँ सिजनको प्रतिक्षामा रहिरहेका समयमा सुनिल थापाले मनोज बाजपेयी लगायतका कलाकारहरूसँगको तस्वीर शेयर गर्दै तेस्रो सिजनमा आफ्नो पनि अभियन रहेको जानकारी दिएका हुन् ।
पहिरो र दोस्रो सिजन निकै नै चर्चित रहेको यस सिरिजको तेस्रो सिजनको छायांकन भइरहेको छ ।
‘द फैमिली म्यान’ सन् २०१९ मा प्रिमियर भएको थियो । कमेडी र जासुसीले भरिएको यो सिरिजले दर्शकको मन जित्यो । मनोज बाजपेयी, प्रियामणि र शारिब हाश्मी अभिनीत यो सिरिज निकै हिट भयो । दोस्रो सिजनले थप उत्साह बढायो, अब तेस्रो सिजन पनि छिट्टै आउदै छ ।
