मोरङको बेलबारी नगरपालिकाले ग्रो अर्गानिक कृषि प्रालि सङ्खुवासभाबीचको बोयर बाख्रा खरिद सम्बन्धमा २०७८ जेठ ३ गते गरेको सम्झौता खारेज गर्ने निर्णय गरेको छ । सोमबार बसेको ६९औँ नगर कार्यपालिकाको बैठकले उक्त निर्णय गरेको नगरपालिकाका प्रवक्ता योगेन्द्र सुवेदीले जानकारी दिए ।
उनका अनुसार उक्त बैठकले ग्रो अर्गानिक कृषि प्रालिको ठेक्का बापतजम्मा गरेको जमानत रमक जफत गरी प्रालिलाई कालोसूचिमा राख्न सार्वजनिक खरिद अनुगमन कार्यालयलाई सिफारिस गर्ने निर्णयसमेत गरेको छ ।
सुवेदीकाअनुसार नगर कार्यापालिका सदस्य बिन्दुकला गुरुङको संयोजकत्वमा छानबिन समिति गठन गरेको छ । समितिको सदस्यहरूमा राष्ट्रिय मान्यताप्राप्त राजनितिकदलको रूपमा रहेका नेकपा एमाले, नेपाली काङ्ग्रेस, नेकपा माओवादी केन्द्र र जनता समाजबादी पार्टी रहेका छन् । ग्रो अर्गानिक कृषि प्रालिलाई ठेक्काबापत हालसम्म कुनैपनि प्रकारको रकम भुक्तानी नगरेको नगरपालिकाले जनाएको छ ।
गत जेठ १५ गते नगरपालिकाले अस्ट्रेलियाबाट चार्टर गरी ल्याइएको दाबी गर्दै कृषक समूह तथा ब्यवसायिक फर्महरूलाई बोयर जातका बाख्राका पाठा–पाठी वितरण गरेको थियो । बेलबारीका ११ वटै वडामा ५२ वटा बोयर जातको बोका तथा ३८ वटा पाठी वितरण गरिएको थियो ।
नगर प्रमुखसुवेदी स्वयमले एक करोड २५ लाख मूल्य खर्च गरेर ल्याइएको भन्दै किसानहरूलाई छिटो र बढी आर्थिक लाभ दिने भएकोले अस्ट्रेलियाबाट ल्याइएको बताएका थिए । तर बाख्रा खरिदको ठेक्का पाएको सङ्खुवासभाको ग्रो अर्गानिक कृषि फर्मले अस्ट्रेलियन भनेर नवलरासीका किसानबाट बाख्रा सङ्कलन गरेर बाख्रा ल्याएको पाइएपछि चौतर्फी आलोचना भइरहेको छ ।
केटिएम दैनिकमा बेलबारी बाख्रा प्रकरणसँग सम्वन्धित समाचारहरु
बोका लिएरै आन्दोलनमा उत्रिए बेलबारीका युवा
एक करोड एक लाखको चलखेल भएको भन्दै मेयर सुवेदीविरुद्ध अख्तियारमा उजुरी
बेलबारीमा बोयर बाख्रा खरिदमा करोड रुपैयाँको चलखेल !
नगरपालिकाको चरम अनियमितता : नवलपरासीबाट ल्याइएको बाख्रा अस्ट्रेलियन भन्दै बाँडियो
कोरोना महामारीयता पशु आयातमा रोक लगाइँदा कसरी ल्याइयो अस्ट्रेलियाबाट बाख्रा ?
बेलबारी नगरपालिकाको ‘बाख्रा काण्ड’, अस्ट्रेलियाबाट ल्याइएको भनिएको बाख्रा बागलुङबाट !
बेलबारी नगरपालिकाले बाँड्यो अस्ट्रेलियाबाट ल्याएको बोयर जातको बाख्रा
