काठमाडौँ । जनता समाजवादी पार्टी (जसपा) नेपालले आगामी ११ माघमा हुने राष्ट्रिय सभा निर्वाचनमा लोकतान्त्रिक समाजवादी पार्टी (लोसपा) का नेता महन्थ ठाकुरलाई समर्थन गर्ने भएको छ ।
राष्ट्रिय सभा निर्वाचनमा नेपाली काँग्रेस, नेकपा एमाले र जसपा नेपालबीच गठबन्धन गर्ने सहमति भएको छ ।
सहमति अनुसार काँग्रेसले ९, एमालेले ८ र जसपा नेपालले १ सिट पाएको छ । सहमति बमोजिम काँग्रेस र एमालेले पनि उम्मेदवार चयन गरिसकेका छन् ।
