काठमाडौँ । परराष्ट्रमन्त्री शिशिर खनाल र नेपालका लागि साइप्रसका गैरआवासीय राजदूत इभागोरस भ्रियोनिडेसबीच आज शिष्टाचार भेटवार्ता भएको छ।
सिंहदरबारस्थित परराष्ट्र मन्त्रालयमा भएको भेटमा नेपाल र साइप्रसबीचको द्विपक्षीय सम्बन्ध तथा सहकार्यका विभिन्न विषयमा छलफल भएको मन्त्रालयले जनाएको छ।
भेटका क्रममा परराष्ट्रमन्त्री खनालले साइप्रसमा रहेका नेपाली नागरिकको अवस्थाबारे चासो व्यक्त गरेका थिए।
त्यसैगरी, आपसी हितका विषयमा बहुपक्षीय मञ्चहरूमा सहकार्य गर्ने सम्भावनाबारे पनि मन्त्री खनाल र राजदूत भ्रियोनिडेसबीच विचारविमर्श भएको मन्त्रालयले जनाएको छ।
