काठमाडौं । प्रधानमन्त्री बनेको चार महिनापछि प्रधानमन्त्री बालेन्द्र (बालेन) शाह पहिलोपटक राष्ट्रपति रामचन्द्र पौडेललाई भेट्न शीतल निवास पुगेका छन्।
सुनसरी घटनापछि तराई–मधेशका विभिन्न क्षेत्रमा उत्पन्न तनावका बीच बिहीबार साँझ राष्ट्रका नाममा सम्बोधन गरेका प्रधानमन्त्री शाह त्यसलगत्तै राष्ट्रपतिसँग भेटवार्ताका लागि शीतल निवास पुगेका हुन्।
राष्ट्रपति कार्यालय स्रोतका अनुसार, “प्रधानमन्त्री केहीबेरअघि शीतल निवास आइपुग्नुभएको छ।” भेटमा तराई–मधेशको पछिल्लो सुरक्षा अवस्था, सामाजिक सद्भाव र समसामयिक राजनीतिक विषयमा छलफल हुने अपेक्षा गरिएको छ।
यसअघि बिहीबार नै राष्ट्रपति रामचन्द्र पौडेलले पनि देशमा सामाजिक सद्भाव, आपसी सहिष्णुता र शान्ति कायम राख्न सबै पक्षलाई अपिल गरेका थिए।
प्रधानमन्त्री नियुक्त भएको चार महिना बितिसक्दा पनि राष्ट्रपति पौडेलसँग शिष्टाचार भेट नगरेको भन्दै शाहको आलोचना हुँदै आएको थियो। यस्तो अवस्थामा विकसित पछिल्लो परिस्थितिबीच भएको यो भेटलाई अर्थपूर्ण रूपमा हेरिएको छ।
