प्रधानमन्त्री बालेन शाहको भारत भ्रमण २ दिनको मात्रै हुने भएको छ । परराष्ट्र मन्त्रालय स्रोतका अनुसार प्रधानमन्त्री शाह मंसिर ६ गते आइतबार दिउँसो भारत जानेछन् । भोलिपल्ट भारतीय प्रधानमन्त्री नरेन्द्र मोदीलाई भेटेर साँझ नेपाल फर्किने कार्यक्रम रहेको छ ।
भारतका प्रधानमन्त्री नरेन्द्र मोदीको निमन्त्रणामा भारत जान लागेका प्रधानमन्त्री शाहको एजेन्डामा भारतीय आकाश भएर नेपालले हवाई रुट पाउनुपर्ने विषय रहेको परराष्ट्र मन्त्रालयले जानकारी दिएको छ ।
प्रधानमन्त्री नेतृत्वको प्रतिनिधिमण्डलमा २ जनासम्म मात्रै मन्त्री हुने बताइएको छ ।
प्रधानमन्त्री शाहले भारतका प्रधानमन्त्री नरेन्द्र मोदीसँग ३० मिनेट जति एक्लाएक्लै भेटवार्ता गर्ने तयारी गरेका छन्।