काठमाडौँ, २ असोज । नेपालको अग्रणी इन्टरनेट सेवा प्रदायक भायानेटले चाडपर्वलाई लक्षित गरी महा-महोत्सव सुरु गरेको छ ।
आजदेखि सार्वजनिक भएको उक्त अफर अन्तरगत ग्राहकहरूले पहिलेकै मूल्यमा अझै तीव्र गतिको इन्टरनेट पाउनेछन् भने हाइसेन्स ब्राण्डका इलेकट्रोनिक्स सामानहरूको खरिदमा २८ प्रतिशत सम्मको छुट पाउनेछन् ।
कम्पनीले जारी गरेको विज्ञप्ति अनुसार ग्राहकले १२५ एमबीपिएसको सट्टा सोही मूल्यमा २०० एमबीपिएसको इन्टरनेट प्राप्त गर्न सक्छन् । वार्षिक रु आठ हजार ९९९ मा २०० एमबीपिएसको इन्टरनेट जडान गरिने कम्पनीले जनाएको छ ।
साथै वाइफाइको कभरेज बढाउनको लागि जेटिई ब्राण्डको मेस वाइफाइ डिभाइसमा पनि छुट दिइएको छ । कम्पनीले रु तीन हजारमा दुई वटा सेट उपलब्ध गराउने जनाएको छ । बजारमा एउटा सेटको मूल्य नै तीन हजार रहेको बताइएको छ । यो अफर भायानेटका २०० एमबीपिएस वा सो भन्दा माथिका वार्षिक ग्राहकहरूलाई मात्र उपलब्ध हुनेछ ।
साथै तीन महिना वा सो भन्दा बढी अवधिको लागि नयाँ इन्टरनेट जडान वा नवीकरण गर्ने ग्राहकहरूले हाइसेन्स ब्राण्डको इलेकट्रोनिक्स सामानहरूमा २८ प्रतिसतसम्म छुट पाउनेछन् ।
३५ हजार मूल्य रहेको ३२ इन्चको स्मार्ट टिभी खरिद गर्दा जम्मा रु २५ हजार २००, ४३ इन्चको टिभी ३९ हजार ६०० र ५५ इन्चको टिभी ७९ हजार ९२० मा उपलब्ध हुनेछन् ।
कम्पनीका अनुसार एक लाख ११ हजार मूल्य रहेको ५५ इन्चको टिभीमा रु ३० हजार ८० र ५५ हजार मूल्य रहेको ४३ इन्चको टिभीमा रु १५ हजार ४०० रुपैयाँ छुट हुनेछ ।
त्यस्तै गरी २३५ लिटरको डबल डोर रेफ्रिजेरेटर खरिद गर्न चाहने ग्राहकहरूलाई अफर अन्तरगत रु ३६ हजार ७५० मा उपलब्ध गराइनेछ भने बजार मूल्य तीन हजार ७५० रुपैयाँ रहेको हेभल्स ब्राण्डको टोस्टर सित्तैमा उपलब्ध हुनेछ ।
त्यस्तै गरी बजार मूल्य रु ६८ हजार पाँच सय पर्ने आठ केजीको वासिङ मेसिन मात्र रु ५१ हजार ३७५ मा उपलब्ध हुने र यसमा पनि टोस्टर सित्तैमा पाइने कम्पनीले जारी गरेको विज्ञप्तिमा उल्लेख छ ।
