राजगढ (झापा), २९ श्रावण । सोमबार राती मोटरसाइकलको ठक्करबाट घाइते भएका पैदलयात्रीको उपचारको क्रममा आज निधन भएको छ ।
जिल्लाको बाह्रदशी-२ जनता बजारमा भित्री सडक खण्डमा कुटिबाट राजगढ तर्फ आउदै गरेको मे ४ प ५१५६ नम्बरको मोटरसाईकलले पैदल यात्री बाह्रदशी-१ नयाँ बस्ति बस्ने ४२ वर्षको च्याङवा तामाङलाई ठक्कर दिएको थियो ।
मोटरसाइकलको ठक्करबाट घाइते भएका तामाङलाई उपचारको लागी बिएण्डसी अस्पताल बिर्तामोड लगिएकोमा उपचारकै क्रममा आज दिउँसो ११:४५ बजे निधन भएको जिल्ला प्रहरी कार्यालय झापाका प्रवक्ता प्रहरी नायव उपरीक्षक कृष्ण कुमार चन्दले जानकारी दिए ।
उक्त मोटरसाईकल पछाडी सवार कचनकवल-१ बस्ने अन्दाजी वर्ष १९ को श्रवण राजबंशी समेत घाइते भएका छन् ।
निधार र टाउँकोमा चोट लागेको राजवंशीको पनि बिएण्डसी अस्पताल बिर्तामोडमा उपचार जारी छ ।
मोटरसाईकल चालक कचनकवल-१ पिण्डलबारी बस्ने वर्ष १९ को देबराज राजबंशीलाई जिल्ला प्रहरी कार्यालय झापाले नियन्त्रणमा लिएको डिएसपी चन्दले बताए ।
