डोटी, ६ भदौ । डोटीमा श्रीमानले हँसियाले हानेर श्रीमतीको हत्या गरेका छन् ।
जिल्लाको पूर्वीचौकी गाउँपालिका-५ उपरकाँडा बस्ने ५० वर्षीय पदी साउँदले आफ्नो श्रीमती ४५ वर्षीया नरु साउँदको हत्या गरेका हुन् ।
हत्या आरोपित पदी साउँदलाई बुधबार दिउँसो प्रहरीले पक्राउ गरेको छ ।
पदीले आफ्नै घर आँगनमा हँसिया प्रहार गर्दा नरूको घटनास्थलमै मृत्यु भएको भन्ने खबर प्राप्त हुनासाथ प्रहरी चौकी सानागाउँ र जिल्ला प्रहरी कार्यालय डोटीबाट खटिएको प्रहरीले उनलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको डोटी प्रहरीले जनाएको छ ।
