उदयपुर । १४ वर्षीया बालिकालाई जबरजस्ती करणी गरेको अभियोगमा बेलका नगरपालिका-१ बालुवाटार टोल बस्ने ५४ वर्षीय अतिमान विकलाई सोमबार दिउँसो प्रहरीले पक्राउ गरेको छ ।
विकले ती बालिकालाई धाकधम्की देखाई वैशाख १८ गते बिहान जबरजस्ती करणी गरेको भन्ने उजुरीको आधारमा ईलाका प्रहरी कार्यालय रामपुर ठोक्सिलाबाट खटिएको प्रहरीले उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
नेपालको कानुनले १८ वर्षभन्दा कम उमेरका किशोरीहरूलाई उनीहरूकै मञ्जुरीमा शारीरिक सम्वन्ध राखेतापनि उक्त सम्बन्धलाई बलात्कार ठहर गर्दछ ।
मुलुकी अपराध संहिता, २०७४ को दफा २१९ का अनुसार बालिकाको उमेर र परिस्थिति हेरेर यस्तो कसुर गर्नेलाई कैद सजाय तोकेको छ ।