१० वर्षीया बालिकालाई जबरजस्ती करणी गरेको अभियोगमा ओखलढुंगाबाट वृद्धभत्ता खाने उमेर पुगेका एक व्यक्ति पक्राउ परेका छन् ।
जिल्लाको चम्पादेवी गाउँपालिका-३ सिल्कु बेसी बस्ने ६८ वर्षीय शुक्र बहादुर मगरलाई बिहीबार दिउँसो प्रहरीले पक्राउ गरेको हो ।
शुक्र बहादुरले ती बालिकालाई मंसिर २२ गते साँझ सोही ठाउँस्थित खेतको मतान घरमा जबरजस्ती करणी गरेको भन्ने उजुरीको आधारमा प्रहरी चौकी पलापुबाट खटिएको प्रहरीले उनलाई पक्राउ गरेको हो ।
यस सम्बन्धमा थप अनुसन्धान भइरहेको प्रहरीले जनाएको छ ।