झापामा १५ वर्षीया एक बालिकालाई बलात्कार गरेको आरोपमा दुई जना पक्राउ परेका छन् ।
झापा प्रहरीले दुई जनालाई गौरीगञ्ज गाउँपालिका–२ भाकुरमारीबाट पक्राउ गरेको हो । पक्राउ पर्नेमा झापा गौरीगञ्ज गाउँपालिका–२, भाकुरमारीका २२ वर्षीय प्रमोद राजवंशी र सोही ठाउँका २४ वर्षीय देवकुमार राजवंशी छन् ।
इलाका प्रहरी कार्यालय गौरीगन्जका अनुसार उनीहरूविरुद्ध १५ वर्षीया एक किशोरीलाई बलात्कार गरेको किटानी जाहेरी परेको थियो । सोही जाहेरीका आधारमा प्रहरीले उनीहरूलाई बुधबार राति पक्राउ गरेको हो ।
बुधबार दिउँसो ४ बजेतिर घरनजिकै पराल लिन गएको मौका छोपेर उनीमाथि बलात्कार भएको थियो । झापा गाउँपालिका–३, झाटी स्थायी घर भएकी ती किशोरी पाँच महिनादेखि नाताले दाजु पर्ने जिसु मुर्मुको घरमा बस्दै आएकी थिइन् ।