काठमाडौं । सामान्यतया किनेर पिइने इनर्जी ड्रिंकको एउटा क्यानले कतिबेला ठूलो पुरस्कार दिलाउँछ, पत्तै हुँदैन। म्याक्स टाइगर इनर्जी ड्रिंकको ‘दसैँ धमाका २०२६’ अभियानमा यस्तै भाग्यशाली बनेका उपभोक्ताले अब पुरस्कार प्राप्त गर्न थालेका छन्।
अभियानअन्तर्गत काठमाडौं र विराटनगरमा आयोजित एक्स्ट्रिम फ्यान जोन कार्यक्रममार्फत चार जना विजेतालाई मोटरसाइकल तथा स्कुटर हस्तान्तरण गरिएको छ।
काठमाडौंको सिफलस्थित नेपाल प्रिमियर लिग (एनपीएल) स्क्रिनिङ स्थलमा आयोजित कार्यक्रममा काठमाडौंका सुमन कर्माचार्य र विनोद ढुंगेललाई मोटरसाइकल हस्तान्तरण गरिएको हो। म्याक्स टाइगरको क्यानको बिर्कोबाट पुरस्कार जितेका उनीहरूले अभियानअन्तर्गत मोटरसाइकल प्राप्त गरेका हुन्। सामान्य रूपमा खरिद गरिने इनर्जी ड्रिंकबाट मोटरसाइकल जित्ने अवसर पाउँदा दुवै विजेता उत्साहित देखिएका थिए।
यसैगरी, विराटनगरको पुरानो गुद्रीमा सञ्चालित एक्स्ट्रिम फ्यान जोनमा पनि दुई विजेतालाई पुरस्कार हस्तान्तरण गरिएको छ। धरानका अनोज कुमार अधिकारीलाई स्कुटर प्रदान गरिएको छ भने विराटनगरका विनोद पोखरेलले मोटरसाइकल प्राप्त गरेका छन्।
मोटरसाइकल प्राप्त गरेका सुमनले सामान्य रूपमा किनेर पिउने इनर्जी ड्रिंकबाट यति ठूलो पुरस्कार पाउने कल्पनासमेत नगरेको बताए। पुरस्कार हात पर्दाको खुसी शब्दमा व्यक्त गर्न कठिन भएको प्रतिक्रिया दिँदै उनले मोटरसाइकल जितेको खबरले जति उत्साहित बनाएको थियो, पुरस्कार प्राप्त गर्दाको क्षण त्योभन्दा पनि विशेष बनेको बताए।
त्यस्तै, मोटरसाइकल प्राप्त गरेका विनोद ढुंगेलले म्याक्स टाइगरको अभियान आफ्ना लागि अप्रत्याशित खुसीको अवसर बनेको बताए। सामान्य रूपमा इनर्जी ड्रिंक खरिद गर्दा मोटरसाइकल जित्ने अवसर पाउनु अनौठो अनुभव भएको उल्लेख गर्दै उनले पुरस्कार प्राप्त गरेपछि उत्साह थपिएको प्रतिक्रिया दिए।
अभियानअन्तर्गत हालसम्म १० जनाले मोटरसाइकल र आठ जनाले स्कुटर जितिसकेका छन्। तर, पुरस्कार जित्ने अवसर अझै बाँकी रहेको कम्पनीले जनाएको छ। कम्पनीका अनुसार अभियानमा थप आठवटा मोटरसाइकल, १० वटा स्कुटर र बम्पर पुरस्कारस्वरूप एउटा प्रोटोन कार जित्ने अवसर बाँकी छ।
विशेषगरी बम्पर पुरस्कारमा राखिएको प्रोटोन कारले उपभोक्तामाझ थप उत्सुकता र आकर्षण बढाएको कम्पनीको भनाइ छ।
सामान्य रूपमा खरिद गरिने इनर्जी ड्रिंकको क्यानको बिर्कोलाई आकर्षक पुरस्कार जित्ने अवसरसँग जोड्दै म्याक्स टाइगरले देशका विभिन्न सहरका उपभोक्तालाई अभियानमा सहभागी गराउँदै आएको छ।
नेपाल प्रिमियर लिगको प्रत्यक्ष प्रसारण भइरहेको एक्स्ट्रिम फ्यान जोनमार्फत विजेतालाई पुरस्कार हस्तान्तरण गर्ने क्रम सुरु गरिएको कम्पनीले जनाएको छ। आगामी दिनमा पनि विभिन्न स्थानमा यस्ता कार्यक्रमलाई निरन्तरता दिइने कम्पनीको भनाइ छ।
