काठमाडौं — प्रतिनिधिसभाले ‘नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक, २०८३’ र ‘राष्ट्रिय सेवा दल विधेयक, २०८३’ लाई दफावार छलफलका लागि सम्बन्धित समितिमा पठाएको छ।
मंगलबार बसेको प्रतिनिधिसभा बैठकमा कानुन, न्याय तथा संसदीय मामिलामन्त्री सोविता गौतमले दुवै विधेयक समितिमा पठाउने प्रस्ताव प्रस्तुत गरेकी थिइन्। दुवै प्रस्ताव सभामुखले निर्णयार्थ प्रस्तुत गरेपछि सदनले सर्वसम्मतिले स्वीकृत गरेको हो।
‘नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक, २०८३’ लाई पहिलो चरणमा समितिमा पठाइएको थियो। त्यसपछि प्रधानमन्त्री बालेन्द्र साहको तर्फबाट मन्त्री गौतमले ‘राष्ट्रिय सेवा दल विधेयक, २०८३’ पनि दफावार छलफलका लागि समितिमा पठाउने प्रस्ताव राखेकी थिइन्, जुन पनि सर्वसम्मतिले पारित भयो।
