काठमाडौँ – फिफा विश्वकप २०२६ अन्तर्गत समूह ‘जे’ को आफ्नो पहिलो खेलमा साविक विजेता अर्जेन्टिनाले आज अल्जेरियाको सामना गर्दैछ । अमेरिकाको कान्सास सिटी स्टेडियममा हुने यस खेलसँगै लियोनेल मेसीको कप्तानीमा रहेको अर्जेन्टिनाले आफ्नो उपाधि रक्षाको यात्रा सुरु गर्नेछ ।
यो खेल अर्जेन्टिनी कप्तान लियोनेल मेसीका लागि निकै ऐतिहासिक बन्नेछ । ह्यामस्ट्रिङको समस्याबाट पूर्ण रूपमा निको भइसकेका मेसीले आज मैदान उत्रिएसँगै आफ्नो २०० औं अन्तर्राष्ट्रिय खेल पूरा गर्नेछन् ।
यसका साथै ६ वटा छुट्टाछुट्टै विश्वकप खेल्ने उनी विश्वकै पहिलो खेलाडी समेत बन्नेछन् । विश्वकपमा उनको यो कीर्तिमानी २७ औं खेल हुनेछ ।
अर्जेन्टिनाका भरपर्दा गोलकिपर एमी मार्टिनेज औंलाको चोटबाट निको हुँदै टोलीमा फर्किएका छन् तर टोलीका मुख्य लेफ्ट ब्याक निकोलस तागलियाफिको भने चोटका कारण आजको खेलमा उपलब्ध हुने छैनन् ।
अर्कोतर्फ, अल्जेरियाली टोलीका मुख्य डिफेन्डर रामी बेन्सेबैनी गोलीगाँठोको चोटका कारण मैदान बाहिर रहने भएका छन् । यो खेल नेपाली समय अनुसार अहिले ६ ४५ मा सुरु हुँदैछ ।
