काठमाडौँ। टी-२० विश्वकप अन्तर्गत समूह ‘बी’ का अष्ट्रेलिया र जिम्बाब्वेले प्रतिस्पर्धा गरिरहेका छन् । कोलम्बोस्थित आर प्रेमादासा मैदानमा जारी खेलमा जिम्बाब्वेले अष्ट्रेलियालाई १७० रनको लक्ष्य दिएको छ ।
टस हारेर ब्याटिङ थालेको जिम्बाब्वेले २० ओभरमा २ विकेटको क्षतिमा १६९ रन जोड्यो । उसका लागि ब्रायन बेनेटले अर्धशतक बनाए । उनले ५३ रनको योगदान दिए । यस्तै, तडिवानासे मारुमनी र रायन बुर्लले ३५-३५ रन जोडे । यस्तै, सिकन्दर रजाले अविजित २५ रनको योगदान दिए ।
बलिङतर्फ मार्कुस स्टोइनिस र क्यामरुन ग्रिनले एक-एक विकेट लिए । यसअघिको खेलमा अष्ट्रेलियाले आयरल्यान्डलाई ६७ रनले हराएको थियो भने जिम्बाब्वेले ओमानमाथि ८ विकेटको जित हात पारेको थियो ।
