मुम्बई – आईसीसी टी–२० विश्वकप २०२६ अन्तर्गत बुधबार राति भएको खेलमा वेस्ट इन्डिजसँग इंग्ल्यान्ड ३० रनले पराजित भएको छ ।
मुम्बईको वानखेडे स्टेडियममा सुरुमा ब्याटिङ गरेको वेस्ट इन्डिजले दिएको १९७ रनको लक्ष्य पछ्याएको इंग्ल्यान्ड १९ ओभरमा १६६ रन बनाउँदा अलआउट भएको हो ।
टस जितेर पहिले बलिङ रोजेको इंग्ल्यान्डविरुद्ध वेस्ट इन्डिजले निर्धारित २० ओभरमा ६ विकेट गुमाउँदै १९६ रन बनाएको थियो ।
वेस्ट इन्डिजका लागि शेरफन रदरफोर्डले उत्कृष्ट ब्याटिङ गर्दै ४२ बलमा अविजित ७६ रनको इनिङ खेले । उनले २ चौका र ७ छक्का प्रहार गर्दै टोलीलाई प्रतिस्पर्धी स्कोरमा पुर्याएका थिए। त्यसैगरी जेसन होल्डरले १७ बलमा ३३ रन जोडे भने रोस्टन चेजले ३४ रनको योगदान दिए ।
