काठमाडौँ । सेरफान रथरफोर्डको अर्धशतकको मद्दतले वेस्ट इन्डिजले टी-२० विश्वकप २०२६ मा इंग्ल्यान्डलाई १ सय ९७ रनको लक्ष्य प्रस्तुत गरेको छ ।
टस जितेर पहिले ब्याटिङको निम्तो पाएको वेस्ट इन्डिजले वानखेडे स्टेडियममा ६ विकेट गुमाएर १ सय ९६ रन बनाएको हो । इंग्ल्यान्डले जवाफी व्याटीङ गरीरहेको छ ।
वेस्ट इन्डिजको सुरुआत भने राम्रो रहेन र उसले ८ रन बनाउँदासम्म आफ्ना दुवै ओपनर ब्रान्डन किंग र कप्तान साइ होपलाई गुमाइसकेको थियो । त्यसपछि मध्यक्रमले इनिङ्स सम्हाल्ने प्रयास गरेको थियो । त्यसमध्ये सिमरन हेटमायरले २३ र रोस्टन चेजले ३४ रन बनाए ।
रथरफोर्डले भने ४२ बलमा ७६ रन बनाएर नटआउट रहे । उनले २ चौका र ७ छक्का प्रहार गरे । जेसन होल्डरले उनलाई अन्त्यतिर बलियो साथ दिए र ३३ रनको योगदान गरे र टिम अन्तत: बलियो स्कोर खडा गर्न सफल रह्यो । इंग्लिस बलरमध्ये जेमी ओभरटन र लियान डसनले २/२ विकेट लिए ।
