लायन्स क्लबद्वारा श्री सुन्दरी माध्यमिक विद्यालय स्कुल ब्याग तथा ड्रेस वितरण

काठमाडौँ । लायन्स इन्टरनेशनल डिस्ट्रिक्ट ३२५ एफ, नेपालको सहकार्यमाश्री सुन्दरी माध्यमिक विद्यालयमा अध्ययनरत विद्यार्थीहरूलाई लक्षित गर्दै स्कुल ब्याग तथा ड्रेस वितरण कार्यक्रम भव्य रूपमा सम्पन्न भएको छ।

कार्यक्रममा डिस्ट्रिक्ट क्याबिनेट सेक्रेटरी लायन इन्द्रबहादुर कार्की, जोन चियरपर्सन लायन प्रज्जोल भट्टराई, रिजन चियरपर्सन सिव देव पाण्डे, क्लब अध्यक्ष लायन जीवन कडरिया, लायन मिलन श्रेष्ठलगायतको उपस्थिति रहेको थियो। साथै विद्यालयका प्रधानाध्यापक, विद्यालय व्यवस्थापन समितिका अध्यक्ष, शिक्षक–शिक्षिका तथा विद्यार्थीहरूको उल्लेख्य सहभागिता रहेको थियो।

कार्यक्रमको संयोजन लायन्स क्लबकी कोषाध्यक्ष लायन कल्पना श्रेष्ठले गर्नुभएको थियो। उहाँले आफू यही श्री सुन्दरी माध्यमिक विद्यालयकी पूर्व विद्यार्थी भएको उल्लेख गर्दै बालस्कुलदेखि उच्च कक्षासम्म यहीँ अध्ययन गरेको विद्यालयमा आज साना भाइबहिनीहरूलाई सहयोग गर्न पाउँदा अत्यन्तै खुसी र गर्व महसुस भएको बताउनुभयो। उहाँले कार्यक्रम सफल बनाउन सहयोग गर्ने डिस्ट्रिक्ट क्याबिनेट सेक्रेटरीसहित सम्पूर्ण लायन लिडरहरूलाई हार्दिक धन्यवाद तथा कृतज्ञता व्यक्त गर्नुभयो।

उक्त कार्यक्रम
LC Kathmandu Abrovision,
LC Kathmandu Ambassadors,
LC Kathmandu National,
LC Kathmandu New Green City,
LC Kathmandu New Royal City
र LC Okhaldhunga
को संयुक्त आयोजनामा सम्पन्न भएको हो।

कार्यक्रमले विद्यार्थीहरूको शैक्षिक आवश्यकतामा टेवा पुग्ने विश्वास आयोजकहरूले व्यक्त गरेका छन्।