काठमाडौँ- प्रतिनिधि सभामा प्रधानमन्त्रीसँग प्रत्यक्ष प्रश्नोत्तर कार्यक्रम भदौ ४ गते हुने भएको छ ।
आज बसेको प्रतिनिधि सभाको बैठकमा सभामुख देवराज घिमिरेले ४ गतेका लागि प्रश्नोत्तर कार्यक्रम तय भएको जानकारी गराए ।
प्रधानमन्त्रीलाई प्रश्न सोध्नको लागि आइतबार दिउँसो १ बजेसम्म नाम टिपाउनको लागि सांसदहरूलाई निर्देशन दिए। प्रश्न धेरै लामो र निरर्थक प्रश्न नगरी संक्षिप्त रूपमा दिन सभामुखले ध्यानाकर्षण गराए ।
प्रतिनिधि सभाको बैठक भदौ ४ गते दिउँसो १ बजेसम्मको लागि स्थगित भएको छ।
