काठमाडौँ । नेपाली काँग्रेसले केन्द्रीय कार्यसमितिको बैठक साउन २४ गते बस्ने निर्णय गरेको छ। बैठक आइतबार दिउँसो १ बजे ललितपुरको सानेपास्थित पार्टी केन्द्रीय कार्यालयमा आयोजना हुने भएको हो।
पार्टीका कार्यवाहक मुख्य सचिव कृष्णप्रसाद दुलालद्वारा जारी सूचनाअनुसार बैठकमा केन्द्रीय कार्यसमितिका सबै पदाधिकारी तथा सदस्यलाई अनिवार्य रूपमा उपस्थित हुन आग्रह गरिएको छ।
बैठकको औपचारिक कार्यसूची भने सार्वजनिक गरिएको छैन। यद्यपि, समसामयिक राजनीतिक घटनाक्रम, पार्टीको संगठनात्मक अवस्था तथा आगामी रणनीतिका विषयमा व्यापक छलफल हुने अपेक्षा गरिएको छ।
