काठमाडौँ -नेपाल कम्युनिष्ट पार्टी (एमाले) का अध्यक्ष केपी शर्मा ओलीले आज नेपाली कम्युनिष्ट पार्टी (नेकपा) का पोलिटब्युरो सदस्य डिबी कार्कीसहित ६ जना केन्द्रीय सदस्यलाई एमालेमा स्वागत गर्दै पार्टी प्रवेश गराएका छन्।
एमाले केन्द्रीय कार्यालय, च्यासलमा आयोजित कार्यक्रममा पार्टी प्रवेश गर्ने नेताहरूमा डिबी कार्की, राधेश्याम गुप्ता (रुपन्देही), विद्याप्रसाद शर्मा (दैलेख), वामदेव गौतम (दाङ), भोला बराल (मोरङ), दीपक इटानी (धादिङ) र रवीन्द्र बम (बैतडी) रहेका छन्।
उक्त कार्यक्रममा एमालेका उपाध्यक्ष पृथ्वीसुब्बा गुरुङ, महासचिव शङ्कर पोखरेल, सचिव पद्मा अर्याललगायत पार्टीका नेताहरूको उपस्थिति रहेको थियो।
