काठमाडौँ। नेपाली काँग्रेसको केन्द्रीय अनुशासन समितिको बैठक पार्टी केन्द्रीय कार्यालय सानेपामा जारी रहेको छ।
समितिका सचिव दिनेश थापामगरका अनुसार बैठकमा पार्टीभित्र प्राप्त उजुरीहरू तथा अनुशासनसम्बन्धी कारबाहीका विषयमा विस्तृत छलफल भइरहेको छ।
विशेष गरी फागुन २१ गते सम्पन्न निर्वाचनका क्रममा पार्टीका आधिकारिक उम्मेदवारलाई असहयोग गरेको आरोपसहित दर्ता भएका उजुरीहरू बैठकको प्रमुख एजेन्डामा रहेका छन्।
पार्टीमा हालसम्म सात सयभन्दा बढी उजुरी दर्ता भएको बताइएको छ। ती उजुरीहरूको आधारमा आवश्यक अनुसन्धानात्मक प्रक्रिया अघि बढाउने विषयमा पनि बैठकमा छलफल केन्द्रित रहेको जनाइएको छ।
