आज बिहान काठमाडौंबाट सिन्धुपाल्चोक जाँदै गरेको कार दुर्घटनामा परेर घाइते भएकामध्ये एकजनाको निधन भएको छ ।
आज बिहान अन्दाजी ७:०० बजे को समयमा चौतारा साँगाचोकगढी न.पा.११ पोखरे स्थित चौतारा बन्देउ सडक खण्डमा बा ४ च ५६७७ नं.को *कार दुर्घटनामा परेको थियो ।
उक्त दुर्घटनामा परेर गम्भिर घाइते भएका दोलखा भिमेश्वर न.पा.२ बस्ने बर्ष २२ को राजेश तामाङलाई दिउँसो १२:३० बजे धुलिखेल अस्पतालबाट थप उपचारको लागि काठमाडौं मेडिकल कलेज पठाइएकोमा उपचारको क्रममा ४:३० बजे निधन भएको सिन्धुपाल्चोक प्रहरी प्रवक्ता डिएसपी शिव बुढाथोकीले केटिएम दैनिकलाई बताए ।
डिएसपी बुढाथोकीका अनुसार अनुसार मारुती सुजुकी कम्पनीको उक्त कार आफै अनियन्त्रित भई सडकबाट १५० मिटर तल झरेको थियो । दुर्घटनामा घाइते हुनेहरूमा सिन्धुपाल्चोकको ईन्द्रावति गाउपालिका- २ बस्ने बर्ष ४२ को बसन्त गिरि, सोही स्थानको वर्ष ३१ को प्रतिमा गिरी, कार चालक जिल्ला दोलखाको भिमेश्वर नगरपालिका-२ बस्ने बर्ष २८ को सोनाम तामाङ रहेका छन् ।
* यसअगाडिको समाचारमा कार हुनुपर्नेमा ठाउँमा ट्याक्सी भएको हुनाले त्यसलाई सच्चाइएको छ । सम्पादक
