गत वैशाख ३० गते सम्पन्न स्थानीय तहको निर्वाचन अन्तरगत काठमाडौं महानगरको पनि मतगणना कार्य जारी छ ।
राष्ट्रिय सभागृहमा जारी मतगणनाको पछिल्लो परिणाम अनुसार बालेन शाहले ल्याएको मत अन्य दुई उम्मेदवारहरूले ल्याएको मत जोड्दा पनि बढी छ ।
स्वतन्त्र उम्मेदवार बालेन शाहले तीन हजार ५३२ मत ल्याएका छन् । नेकपा एमालेका केशव स्थापितले ल्याएको एक हजार ८५६ र नेपाली कांग्रेसकी सिर्जना सिंहले ल्याएको एक हजार ६६८ जोड्दा तीन हजार ५२४ पुग्छ, जुन शाहको भन्दा कम मत हो ।
त्यस्तै एमालेबाट उपमेयरमा उम्मेदवार बनेकी सुनिता डंगोल ल्याएको मत अन्य उम्मेदवारहरूले ल्याएको मतको जोडफलभन्दा झण्डै दुई गुणा बढी छ ।
पछिल्लो मतपरिणाम अनुसार डंगोलले एक हजार ७४३ मत ल्याउँदा नेकपा एकीकृत समाजवादीका रामेश्वर श्रेष्ठले ५१६ र राप्रपाकी बिनिता मगैयाले ४१३ मत ल्याएकी हुन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
