सामाजिक सञ्जाल ट्वीटर प्रयोगकर्ताहरूले ह्यास ट्याग ‘भोट फर बालेन शाह’ अभियान चलाएका छन्।
स्थानीय चुनाव प्रचार गर्न पाउने अन्तिम दिनमा बालेन शाहलाई समर्थन गर्ने अभियानमा ट्वीटर प्रयोगकर्ता लागेका हुन् । उनीहरूले ‘भोट फर बालेन शाह’ भन्दै चुनाव प्रचारलाई सोसल मिडियामा पनि तीव्रता दिएका हुन्।
शाह काठमाडौँ महानगरपालिकामा मेयरका लागि स्वतन्त्र उम्मेदवारको रुपमा ‘लौरो’ चिन्ह लिएर चुनावी मैदानमा उत्रेका छन् । उनको समर्थनमा युवायुवती, कलाकार, पूर्व कर्मचारी र सामाजिक अभियन्ता लागेका छन् ।
शाहसँग प्रतिष्पर्धामा नेकपा एमालेका तर्फबाट केशव स्थापित, नेपाली कांग्रेसकी उम्मेदवार सिर्जना सिंह, राप्रपाबाट मदन दास श्रेष्ठको उम्मेदवार रहेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
