सरकारले नेपाल राष्ट्र बैंकका गभर्नर महाप्रसाद अधिकारीलाई हटाउने उद्देश्यले जाँचबुझ शुरू गरेको विरोधमा उक्त बैंकका कर्मचारी आन्दोलित भएका छन्।
राष्ट्र बैंक कर्मचारी संघले केन्द्रीय कार्यालय बालुवाटारमा सरकारको कदमविरुद्ध कालो ब्यानर झुण्ड्याएर विरोध जनाएको छ। कर्मचारीहरूले राष्ट्र बैंकको स्वायत्ततामाथि नांगो हस्तक्षेप बन्द गर्नुपर्ने, गभर्नर अधिकारीमाथि सुरु गरिएको कारबाही प्रक्रिया अविलम्ब फिर्ता गर्नुपर्नेलगायत माग राखेका छन् ।
राष्ट्र बैंक कर्मचारी संघका केन्द्रीय अध्यक्ष रुद्रप्रसाद तिमल्सिनाले कोणसभामा बोल्दै वित्तीय माफियाको चंगुलमा फसेर सरकारले केन्द्रीय बैंकमाथि हस्तक्षेप गरेको बताए।
सरकारले गभर्नर अधिकारीमाथि छानबिन गर्न समिति गठन गरेको छ। छानबिन समिति गठन भएसँगै उनी लिनम्बनमा परेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
