काठमाडौँ– युरोपियन च्याम्पियन्स लिग फुटबलमा पेरिस सेन्ट जर्मेन (पीएसजी) फाइनलमा प्रवेश गरेको छ ।
बुधबार राति सम्पन्न खेलमा जर्मन क्लब बायर्न म्युनिखसँग दोस्रो लेगमा १–१ गोलको बराबरी गरेसँगै पीएसजी समग्रमा ६–५ को नतिजासहित उपाधि नजिक पुगेको हो । पीएसजीले पहिलो लेग ५–४ ले जितेको थियो ।
दोस्रो लेगको खेलमा पीएसजीका उस्मान डेम्बेलेले र बायर्नका ह्यारी केनले १–१ गोल गरेका थिए ।
पीएसजीले अब उपाधिका लागि इंग्लिस क्लब आर्सनलसँग प्रतिस्पर्धा गर्नेछ। आर्सनल एट्लेटिको मड्रिडलाई हराउँदै फाइनलमा पुगेको हो । फाइनल खेल हङ्गेरीको बुडापेष्टमा हुनेछ ।
