काठमाडौँ । नेपाली काँग्रेसका उपसभापति विश्वप्रकाश शर्माले पाँच वर्ष स्थिर सरकार हुने गरी संवैधानिक व्यवस्था गर्नुपर्ने बताएका छन्।
बिहीबार भैरहवामा आयोजित काँग्रेस उम्मेदवारसहितको वृहत् जिल्ला भेलालाई सम्बोधन गर्दै उपसभापति शर्माले सबै दल छुट्टाछुट्टै चुनावमा जानु राम्रो भएको बताए।
काँग्रेस बहुमतका लागि चुनावमा गएको भए पनि प्रधानमन्त्री पाँच वर्ष टिक्ने व्यवस्था गर्नुपर्ने बताए। प्रधानमन्त्रीले पूरै पाँच वर्ष शासन गर्ने व्यवस्था आवश्यक भएको उनको भनाइ थियो। त्यस्तै, गोलमेच सम्मेलनबाट सुधारका लागि सहमति गर्नुपर्ने पनि बताए।
