काठमाडौँ । भोटेकोशी बाढीमा परी हालसम्म एक हजार ३९९ जनाको मृत्यु भएको छ । बाढीपछि अझै पाँच हजार १७९ जना सम्पर्कविहीन रहेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
प्राधिकरणले बुधबार साँझ सार्वजनिक गरेको विवरणअनुसार चितवनमा ३६४, नवलपरासी पूर्वमा २३२, नवलपरासी पश्चिममा २२२, नुवाकोटमा २०२, रसुवामा १८९, गोरखामा ७८, धादिङमा ७२ र तनहुँमा ३८ जनाको शव फेला परेको छ । उपचारका क्रममा काठमाडौँमा दुई जनाको समेत मृत्यु भएको प्राधिकरणले जनाएको छ ।
फेला परेका शवमध्ये हालसम्म १०४ जनाको सनाखत भएको छ । पहिचान हुन बाँकी शवको सनाखतका लागि डीएनए परीक्षणलगायत आवश्यक प्रक्रिया अघि बढाइएको प्राधिकरणले जनाएको छ ।
प्राधिकरणका प्रवक्ता शान्ति महतका अनुसार बाढी प्रभावित क्षेत्रबाट हालसम्म १३ हजार ७४२ जनाको उद्धार गरिएको छ ।
बाढी प्रभावित क्षेत्रमा स्वास्थ्य मन्त्रालयमार्फत १५० जना परामर्शदाता परिचालन गरिएको छ । यस्तै, नेपाल प्रहरीले सञ्चालन गरेका १६६ वटा सामुदायिक जनचेतना कार्यक्रममार्फत ४५ हजार २३८ जनालाई परामर्श दिइएको प्रवक्ता महतले जानकारी दिनुभयो ।
बाढीका कारण विस्थापित तथा प्रभावित नागरिकलाई सुरक्षित स्थानमा राखेर आधारभूत आवश्यकता पूरा गर्ने कामलाई राज्यका विभिन्न निकायले निरन्तरता दिएका छन् । सुरक्षा निकाय, स्थानीय तह तथा विभिन्न सरकारी र गैरसरका
